لما يكون كل همك ترجع عالبيت قبل ما يطفي المولد كرمال ما تطلع سبع طوابق مشي😥
لما تكون أقصى درجات المتعة عندك إنك تقضي ربع ساعة تبورد فيها بال ac قبل ما تنقطع الكهربا✋🏻
لما تدعي تخلص حطة الغسيل قبل ما يطفي المولد😥
لما تحط أكلك بالتلاجة لإنو البراد صار خزانة،،، و كل شوي تدوس الجبنة لتطمن إنه بعدها باردة… كرمال ما يتسمموا الاولاد،،،
لإنه دخولية المستشفى بتكلفك حياتك،،، و لإنو إذا دخلوك مش رح تلاقي مصل،،، و إذا لقيت مش رح تلاقي دوا🙄 لإنه حياة اولادك رخيصة كتييير عندهم💔
لما تكون عسكري و ما معك مصاري ل تدفع أجار الطريق ل توصل على خدمتك🤦🏻♂️
لما تخاف تمشي بمنطقتك بالليل كرمال ما يسرقوا منك آخر كم ليرة معك كان بدك تطعمي فيهن اولادك😥
لما تنذل ببلدك،،، ببيتك،،، بعيشتك،،، بلقمة أكلك😥بحبة الدوا يلي بدا تحافظ على حياتك،،،
لما ابن بلدك يخبي عنك الدوا و يتركك تموت،،،،
الأكل و يتركك تجووع،،،
البنزين و يخليك تنذل و تسرق كرمال تعبي موتوسيكلك😥
لما تعيش ناطر الموووت
لما يكون عندك كل هول
إعرف إنك لبناني 🇱🇧 وافتخر يا كبير
