اراء ابناء الجالية اللبنانية في الغابون ،
للتذكير : برنامج #شو_رأيك هو عبارة عن سؤال يطرح على المتابعين عبر منصات (الفايسبوك و الواتساب و غيرها) من ثم تجمع ردود الفعل و تصاغ في مقال واحد يذكر فيها ما جاء على لسان المتابعين…
ملاحظة : الجزء الاول من الردود يتبعها ردود اخرى
السؤال الاول : #سؤال_للنشر
#شو_رايك بصير عنا جالية قوية قادرة تمون على اللبنانية بالبلد ؟
#الجزء الثاني من الردود
– الصديق دانيال سكيكي
اكيد اكيد اكيد كلنا سوا و ايد وحدي و اهم شي نحب الخير للآخر و نتحد بصير عنا احلى جاليه نشالله ، الجاليه عنا لا ينقصها الايادي البيضاء و المواهب الشبابيه لا الامريكان و الفرنسيه احلى منا ، انت لبناني انت الكل بالكل ، نبارك لكم و نشد على اياديكم
– الزميلة رحمة سكيكي
الجالية اللبنانية في الغابون حلم من أحلامنا يا ليته يتحقق ..!لما موقفنا يصير واحد بيتحقق لما كلمتنا توصل بيتحقق لما وجعنا يكون واحد بيتحقق!
لما الكبار يبطلو يدعسو عالصغار ومنصير إيد وحدة..
ما في شي مستحيل بس نبطل نفرق بس نبطل نشوف بعض حسب الأحزاب هربنا من لبنان واحزابو مش لنجي لهون لنرجع نتفرق..الله يحمي الكل ونكون أيد وحدة ونساعد بعض ونحضن بعض ونكون كلنا أهل ❤️
– الصديق علي كجك
ساكتفي بهذه الجملة كونوا لبعضكم …
– السيدة حنين جابر
ana br2ye ma hada bmoun 3a hada kel w7ad 7ame 7alo be 7alo w fi ktr nes botol3 mn fo2 btfker eno hye kl shi bel balad
w fi nes bkono awedm w byeje hada bmoun 3lyha
bas b7es bel gabon nsbe kbire 7a tl2oha eno ma yi2dr hada ymoun 3lyha
– السيد حسن حمدان
Bnj bas ma be3te2id 7ada bmoun 3 7ada kelo kezeb bas bya3touk wo3od 3 chi fade w bfawtouk b machekil aktar lat7ela la7alak w pardon 3 7akie bas hayda mazbout w machkoirin 3 jhoudkon
– السيدة سمر شري
اكيد .. لأ
بعض اللبنانية راسن كبير ما حدا بيمون علين 😁
– الزميل علي ابراهيم
انشالله عنا امل يصير هالشي بهمة الشباب الطيبة
– الزميل منيف بيطار
كلو بصير .. و ما في شي صعب على اللبنانية
– السيد احمد الحج
Ma betsawar, sa3be la eno bi lebnen hata cheyef kif wad3na la wara bas ala yeb3at lkher
