عاصوتها بيوعى الفجر وبشقشق الضو
وبتفتح ورود وحبق وبتشرق شمس نهارنا هيدي هيي الام
من ايدها ركوه صباح الخير وقهوه معتقه بالحب
شو بقول عن لي بتسقي حواضها بمي مباركه
وبتطعمي الصغير والكبير لقمه الهنا وعا كل ميله حولها زهور مفتحه وحبق مفرفح هول متل ولادها المدللين
من خيرها عم ناكل مونه السنه وفيها مباركه هالدني
شو بقول عن عمر الصغر والولدني وحكاياتها لبتاخدك لبعيد ملكه بدارها ومقدره وعا صوتها بتزقزق طيور الصبح
شو بقول عن دعواتها لبترافقك بكل درب بقلب دافي
يمي الحكي بوجودك دفا وعفا وشالك بغطي عا شروق الشمس
وزيتونك لدقتو من انا وصغير بعدا طعمتو احلا وبعدو بريقك الفخار بيكرج مي بتروي العطش
يمي كبيرنا وكبرت هموم الدني وبقيتي انت تاج عا راسي بكل انفاسي يا غربتي لا تقاسي علينا ما بقى نحمل تعب هجرانها
يا خمره محللا الله مهما كون بعيد رح قلا يمي الجنه تحت اجريكي ….
الله يطول بعمر كل ام ويرحم امهات الجميع
بقلم الزميل حسين العبدالله
