الجالية اونلاين
باقلامكم منوعات

هيدا المغترب اللبناني..

‎✈
أول ما تطلع بالطيارة هجرة وبيك يقلك اوعى ترجع خليك هونيك، وأمك تشمك و تبكي كانو آخر مرة بتشوفك، اعرف انك اصبحت غريب، حتى عن اهلك

‎‏بتقطع الايام، الاسابيع، الاشهر، السنين، اخبار اهلك بتصير تخف عنك، كرمال ما تعتل هم، او يتقلو عليك، هني هيك بقولك

‎‏بتنزل فرصة علبنان بتلاقي ملامح بيك تغيرت، ال
WhatsApp
ما بخليك تشوف كل شي، و امك تجاعيد و جها بلشو يبينوا و يزيدوا اكتر و اكتر…

‎بتفوت، بتاخد حمامك بالشامبو اللي تستعمله انت و صغير، بتضهر لتقعد مع اهلك، فجأة بيك وامك بغيرو الموضوع يلي عميحكو فيه بتسأل بيقولك مافي شي.
هون عراف انو حتى ببيتك اللي ربيت فيه كمان صرت غريب.

‎بتسهر معاهم بتبوسهم بتشمهم بتفوت بتنام بتوعاى تاني يوم بتلاقي امك محضرتلك القهوة و بيك ناطرك كرمال يشربها معك. بتشرب القهوة معن بس كمان ما بيخبروك شي، لا شو عايزين، لا اذا موجوعين بالعكس بيصيرو يسالوك اذا انت مرتاح و اذا عايز شي و شو بدك نعملك. هون بتصير تحس حالك ببيت اهلك ضيف تقيل… ‏

‎بتخلص العطلة، بوصلوك عالمطار، بين الدمعة يلي على الخد و سؤالهم اذا كنت مرتاح و مبسوط ما بتعود شايف شي. بيك بيرجع يعيد “اوعا تفكر ترجع”، و امك بتشمك كانو آخر مرة.
بتقعد بالطيارة مش عارف رايح عبيتك او فالل من بيتك، مش عارف اهلك مناح او لا…بتوصل مطرح منك ما واصل مسلوخ شقفتين…

‎هيدا المغترب اللبناني…
#الجالية_اونلاين #الوجود_اللبناني

اقرأ ايضا

سافر دون تردد…

Ali Katour

الشاعر كامل فرحات.. #كلنا_للوطن

Ali Katour

انسحاب اللبنانية سالي من بطولة العالم للشطرنج..

Joumana Darbaj

اترك تعليق

خمسة − 2 =