نشر البطل الطفل حسين قاووق على صفحته ما يلي:
صباح الخير للجميع🙋♂️
رغم كل الظروف البشعة الي مرقنا فيها هيدي السنة بس رح تكون سنة مميزة لانه كل ما حدا سالني ايمتى كان اخر علاج الك رح قول بي 10.11.2020 يعني🎈 اليوم🎈
اليوم هو يوم عظيم بالنسبة الي و لأهلي و لكل الي بحبوني
اليوم هو يوم الانتصار اليوم هو يوم الهزيمة اليوم انا خلقت من جديد من بعد 4 سنين من الوجع و العلاج اليوم اجا موعد العلاج الاخير العلاج رقم 146
اليوم انا اثبتت للكل اني اقوى صبي و انه انا اقوى من المرض،،رحلت علاجي مع هالمرض كانت طويلة و بشعة بس الحمدلله الله دايماً كان معي،،في عندي حكي كتير احكيلكم ياه خلال هالرحلة البشعة
هلا أهم شي انه انا انتصرت من بعد هالمعركة الطويلة بيني و بين السرطان و كنت الاقوى💪
الله لا يضر حدا و ضلوا بخير و سلامة انتو و اولادكم و الله يشفي كل مريض❤
ونحنا من جهتنا يا حسين منحب نخبرك إنك بطل خارق وطفل بصفات رجال ناضج ألف مبروك لتخطيك هالمرحلة وانشالله ما عدت تشوف الامراض والوجع بحياتك لحمدالله على سلامتك والله يهني أهلك بهالتربية ❤❤❤
