إوعي تظهري قوتك وقدرتك في الاعتماد علي نفسك لأي حد قريب او غريب , إظهري ضعفك وحيرتك واحتياجك للدعم طول الوقت, متتصرفيش في أي امر لوحدك اقفي و استني المساعده, عودي كل اللي حواليكي علي كده
إظهارك لقوتك وحسن تصرفك واعتمادك علي نفسك هيضيعو عليكي السند والدعم النفسي مدي الحياه, الناس بتستسهل واللي بيشوفوه قوي وشاطر بيعرف يفكر ويتصرف اما بيلغوه من حساباتهم او بيشيلوه بزياده فوق طاقته محدش هيهتم بيكي وهيبدأو يدو اهتمامهم للي يبين أنه محتاج للمساعده!
وتفضلي انتي لوحدك تواجهي الحياة بطولك ” ما انتي قويه و٦٠ راجل في بعض ” تقدري تتحملي بتعرفي تشيلي كويس فشيلي بقي لحد ما تقعي من طولك !!
اوعي تسمعي لدعوات “خليكي جامده وباني قويه ” لأ عيشي ضعفك الانثوي واتمتعي بإحساس السند والدعم وان يكونلك حد مسؤل عنك في كل مراحل عمرك
اللي بتستقوي علي نفسها وعلي صحتها وعلي طبيعتها الانثويه بتاخد علي دماغها من الدنيا كلها في الآخر اوعي تعملي في نفسك كده ..متكونيش البطل اللي هيستشهد ف الاخر عشان الباقي يعيش مرتاح !!
نصيحه لكل بنت !!
