نصائح وإرشادات مهمَة للمغربين الواصلين من أفريقيا خلال تمضية عطلة الصيف في لبنان.

قرّبت الصيفية اليكم تعليمات وارشادات للمغتربين وقت يروحوا عالبنان بالصيفية :
اذا بتفوت على شي محل تياب انت والعيلة اوعا تحكي مع ولادك بالفرنسي بيشخطوك بالاسعار بيعرفوك مغترب
وقت تفوت ما تسلّم على صاحب المحل بهالطريقة : ( مرحبا كيفك ؟ كيف الصحة وكيف هالاشغال؟ )
ما في أبدّء منهٌن بيعرفوك من طريقة تهذيبك وأخلاقك انك من أفريقيا ومش بكل الاوقات التهذيب والاخلاق بينفعوك بلبنان .!!
فوتوا هيك عالمحل : غير مهتمّين وبارمين بوزكن ونّبهوا الولاد ما يحكوا معكم بالفرنسي واذا ما بيعرفوا عربي خلّيهن يسدّوا بوزن أحسن ….لتخّلصوا مشترى .
بتحملوا قطع التياب وبتضلّكن بارمين بوز وبتسألوه عن الاسعار انتوا وعابسين واذا فيكن تُعٌوْصوا عين الشمال وترفعوا الحاجب اليمين شي تنين سنتم بيكون احسن وقد ما يقٌلكم السعر بتهزّوا براسكم وبترّجعوهم لمطرحهم مع ضحكة على اساس انكم بتعرفوا الاسعار وما حدا فيه يخدعكم …
واكيد بدو يقلكم بيتظبّط السعر
وهيك كونوا حرابيق يا مغتربين ..!!
انا مرة صارت معي كنت بمحل تياب بمكانٍ ما انا والولاد كانوا صغار وقتها ومنبّه عليهم ممنوع حكي فرنسي بالمحلات ..!
من بعد ما نقّينا وخلصنا وباقي تسعير القطع والمحارجة لندفع فاتت ست لبنانية عايشة عمرها كلّو بابيدجان وهيّي ( ألا فرانسيز ) الله لا يعطيها العافية بلّشت ( بونجوغ ايصام كومون صافا أولاّلاّ ڤو زونفون سون غراندي ) وكمّلت بالعربي المكسّر ( صرلكم زمان جايين عالصيفية من ابيدجان؟؟ وايمتى راجعين؟؟ ) اي روحي الله لا يعطيكي العافية وهون برنأ عيونو صاحب المحل وفتح مناخيروا ودار فينا طرق بالاسعار !!
وهيي وضاهرة من بعد ما خلّصت مشترا قالتلنا :
( ألّي اورڤوار بون شوپينغ…!!
اي روحي شوبينغك ملعون ياخدك.!!!