نحنا لبنان لي غايب عن سهرات الهاي كولتي

#موظفو_الخارجية_اللبنانية انتم موجودين لخدمة الناس مش للناس تخدمكن..
انتو هون لتيسير امور الناس مش لتعقيدها

من الاخر
اذا ما بتعرفوا مين نحنا عشان متعلمين ببلاد برا.. نحن ولاد لبنان
نحن لي رسمنا علم بلادنا بيشبهنا نحنا لي رسمنا حدودنا بالدم، و قلوبنا بيضا رغم سواد افكاركم..
نحنا لي متل أرز بلادنا اجرينا ثابته بالأرض و راسنا بالسما ، ما بتهزنا عواصف الغدر و الحقد..

نحنا لبنان الغايب من احاديثكن بسهرات الهاي كولتي..

نحن لي تغربنا عن أهلنا و وطنا، الوطن كان الأجدر يعملكن امتحان ب الإنسانية قبل أي مادة علمية..
يعملكن امتحان بالانتماء للهوية مش للاحزاب و الكنتونات الطائفية..
بس معليش الايام جاييي و التغيير ضرورة.. و كل مغترب بعتقد تعلم و فهم اديش تمنه عند سياسينا..

منرجع لموضوعنا الأساسي..

اذا كان موظف وزارة الخارجية (سفير او قنصل) يمثل رئيس الجمهورية في لبنان..
فالمغترب يمثل شعب لبنان.. والشعب كما تعلمنا مصدر السلطات.. اذا ف ليعلم كل شخص مكانه و كفى استهتار بحياة المغترب..

لا يملك اي موظف في وزارة الخارجية اللبنانية ( سفير او قنصل) الحق في تهميش او تضليل او افتعال او انشاء او المساهمه في خلق عداوات و كنتونات في دول الاغتراب..
نعم نحن ندرك انكم إمتداد لطبقة السياسية الفاسدة و لولاها ما كنتم لتكونوا في اماكنكم تتحكمون بمصير المغترب (ولي نعمتكم) ان كنتم تتبعون للبعثات الدبلوماسية فعليكم ان تعو حجم المسؤولية التي على عاتقكم..

انتو ما جيتو للعشوات و الغدوات انتو. هوووون لخدمتنا
نحنا سبب وجودكم و لو نحنا مش موجودين انتو كمان مش موجودين…
فيئوا ما عم بحكي فصحى عم بحكيها بلهجتنا و بلغتنا بركي يتوعوا ع حالكن..

عنا اهل بكل هالدول..

– بانغي / موزامبيق / نيجيريا / الكاميرون / سيراليون / غينيا كوناكري / ساحل العاج / ليبيريا / الكونغو برازافيل / الكونغو كينشايا / السنغال / غانا / الغابون / ساوتومي / بنين / إثيوبيا / السودان / مصر / التوغو / غينيا الاستوائية / زامبيا / مالي /

هل تعلم الدولة اللبنانية ان المغترب اللبناني كان و لليوم هو عصب و الشريان الرئيسي للحياة في الوطن لبنان ؟؟

هيدي الحلقة الأولى و ما ح تكون الأخيرة…

#علي_كاتور #الجالية_اونلاين #الوجود_اللبناني