اعلنت الهيئة الادارية للجامعة اللبنانية الثقافية في العالم فرع الغابون في بيان لها ضم او انتساب السيد رامي كشيش لمجلس ادارتها …
في خطوة جيدة تهدف لتحسين اداء الهيئة وتقدمها..
برأي :
اي شاب بهيدا البلد قادر يشتغل بطريقة حضارية لما فيه خير للمجتمع و للوجود اللبناني بهيدا البلد، لازم ندعمه و نحترمه
بالنهاية تظهر النوايا الحقيقية بهيك امتحانات، لهيك اي شخص يدعي العمل الاجتماعي ما فيه يكون ضد فلان او فلانه
اهلا و سهلا بالجميع اذا حابين يشتغلوا ..
بالنسبة للهيئة الادارية للجامعة الثقافية في العالم فرع الغابون صار رايح من عمرها نص عمرها …و الجماعة عم بحاولو يغيروا ببلد كانت ل ٣٠ سنه ما فيها حدا يخبر لهيك يعطيهن العافية .
رغم الانتقادات الكثيرة لي صارت و اهمها ..
#دورات_فوتبول :
كتار انتقدوا دورات الفوتبول و لكن هل المطلوب من مسؤول الرياضي بالهيئة يعمل بطاقات اقامة ؟؟؟
#بسام_صبرا قام بواجبة و بالمهمه الموكلة له و قام فيها بطريقة جيدة جدا و يعطيه الف عافية.
* قد لا نتفق في امور عديدة و لكن لا يمكن ان ننكر على صاحب حق حقه
بالنهاية الشغل الاجتماعي مش فرض .
و بالنسبة للجالية اونلاين بلشنا شغل من دون النظر لغيرنا شو اشتغل او ما اشتغل نحنا موقع اخباري يفرحه اي عمل اجتماعي من اي جهة كانت (شرط ان لا يكون عمل للتصوير و لاهداف مبيته)
خلونا نكون واضحين نحن ببلد بحاجة لنكون الكل ايد وحدة و مش بس (مش كل اصابعك متل بعض و كمان في مسافات بين الاول و التالت) .
* موضوع ضم عضو جديد للهيئة هل هو (قانوني او لا) و طريقة الدعوة و الاعلان عنها هيدي امور منرجعلها بعدين بملف كامل .
و طبعا النقد يجب ان يكون نقد بناء و باحترام .
من جديد للصديق كشيش تحية و سلام و تمني بالتوفيق و لجميع اهلنا تحية و لقاء جديد .
الجالية اونلاين
#الجالية_اونلاين
