الجالية اونلاين
الوطن باقلامكم

مسافر و بقلب امك غصه.. 😭🇱🇧❤️

يا إبني وينك مسافر اشتقتلّك ……
شتقت شمّ ريحتك و لقلبي ضُمَّك
شتقت إقعد حدّك إطّلع بعيونك وحاكيك
وقلّك يا نور عيوني ربّي من الشرّ يحميك
وينك؟؟؟؟ عم فتّش عليك وما عم لاقيك
وينك؟؟؟؟ ما بدّك تقلّي شو طالع ع بالك
وقلّك يا إمّي تكرم عيونك الغالي بيرخص كرمالك!
قبل ما تفلّ اشتقتلك ……
حتّى البيت تنهّد ع السّكيت…
يا ربّي سلّمتك إبني رافق دربو
وبسفرو كون رفيقو وضلّك حدّو
وبهالشنطة لحملت شهاداتو وأحلامو
هَوِّن ليل الغربة ربّي وضوّي إيّامو!
ليش وطنّا عم يكبر النّزف بشريانو؟
وليش هالقد صار رخيص بعيون حكّامو؟
ليش نكتب علينا نوّدع ولادنا ؟
تيفتشوا ع شوية كرامة وحقوق برّات بلادنا!
سامحني يا إمّي ع الغصّة بصوتي
مشتاقة غمِّض عيوني وشوفك جاي صوبي
ولو بتعرف بيَّك ع غيابك شو حالو
ليل نهار يبوِّس تيابك ويتخايلك قبالو
ما تنسى يا إمّي يا أغلى من روحي ودمّي
بقلب الشنطة غلّفتلك قلبي ودقّاتو
ترجع بالسلامة ولقلبي ترجِّع ضحكاتو
لو مهما الشرّ فكّر حالو انتصر كلني إيمان
عصف الرّيح رح يوقف وترجع كرامة الإنسان
ورح إرجع يا إمّي أنا وكلّ الإمّات
نستقبل ع المطار ولادنا بباقة تمنيّات
أُغمرك من قلب قلبي ولحضني ضُمَّك
يا روحي رجعتلي الرّوح، بقلبي كان فاضي محلّك!

الله يكون معك يا إمّي
اشتقتلّك
(د.شنتال سعادة خليل )

اقرأ ايضا

قرار السلم و الحرب مع العدو.. بايد اهالي الشهدا فقط

Ali Katour

نعم لاعادة قانون تنفيذ حكم الاعدام في لبنان …

Ali Katour

تأكيد إصابة عالم دين في بلدة عربصاليم بفيروس كورونا كان قد خالط ٣٠ شخصًا

Ali Katour

اترك تعليق

ثلاثة × 1 =