الجالية اونلاين
ثقافة وفن منوعات

ما تزعلوا ولادكم ما ضروري يحضروا مشاكلكم #ما_تزعلوا ..

لما ولادكم يفوتوا عالغرفة وبسكروا الباب على حالهم بالايام والساعات وما بحبّوا القعدة معكم بسبب الانتقاد والكلام السيّء اللي بتسمعوهم ياه..
– لما يكبروا و يكرهوا كلمة ” إن شاء الله ” .. لأن كُل وعد وعدتوهم ياه تقولوا إن شاء الله و ما بتعملوه !
– لما شخصيتهم بتصير ضعيفه وما عندهم ثقه ب حالهم لانكم ما بتعطوهم فرصه يعبروا عن اللي جواتهم ودايمًا بستغبوهم .
– لما يكرهوا الصلاه و الدرس ! لأن من أقل غلطه بيغلطوها بتسألوهم صليتوا ؟! درستوا ولا لاء ؟ كأن الصلاه والدرس عقاب .
– لما اولادكم يفتشوا عالحنان برّا البيت لانهم مالقوه بحضنكم
– لما بيكرهوا النقاش معكم لانكم بتقللوا من اراءهم سواء بالسياسه او بالحياه عامةً
– لما كل يوم قبل النوم يعاتبوكم وهنّي ب غرفه بينهم وبين حالهم و قديش في فجوه بينكم بسبب قلة التفاهُم والاحتواء
– لما يفشلوا بالاختصاص اللي اخترتوه انتو بسبب تدخلكم ب مستقبلهم و منعهم عن حلمهم المآمنين فيه !
– لما يكرهوا الضهرات معكم .. لأن طول الوقت عم تنكدوا عليهم وتقلبوا المشوار غَم .
– لما يحبوا اكل المطاعم لأنكم بترفضوا تعملوا طرق جديده ب نفس الاصناف الموجوده من اكل البيت .
– لما ولادكم يكرهوا بعض لأنكم بتفرقوا بالمعامله بينهم و بتميزوا حدا عن التاني .. وتتحاسبوا يوم القيامه بجريمة الظُلم . ..
– ماتزعلوا كتير لما بنتكم بتكون تعيسه ب حياتها الزوجيه بسبب عريس فرضتوه عليها مع انو حقها الشرعي تتجوز اللي بيعجبها حتى ولو بعد ١٠٠ سنه
– ماترجعوا تزعلوا بعد عمر طويل لما تكبروا وولادكم مابحنّوا عليكم لأنكم كنتوا متل الجنزير على رقبتهم و ب بعدكم عنهم تنفسوا وصاروا احرار
عن رسول الله صلي الله عليه وسلم : ” رحِم الله والدًا اعان ولده علي بِره ” !
.. لا يجعل ولده عاقًا كارهًا له بسبب سوء معاملته لابنه

اقرأ ايضا

كيف تدمر الامه.

Ali Katour

مكتشف لقاح كورونا… لبناني أرمني

Ali Katour

من تسبب بالقاء القبض على غيفارا

Ali Katour

اترك تعليق