ليك تعتيرك من ايدك.. و غير هيك شو بدك بالحكي

ع فكرة التعتير لي عايش فيه شعبنا ما اجا مغلف و معلب و صنع برا.. من ايدك
لازم نفهم انو تعتيرنا من ايدنا و كترة لت و حكي ما بدها القصه..
نحنا بالسنه الجديدة ما كتير ح تختلف علينا عن السنه لي قبلها الا بس بكتابه التاريخ بوراق النعوة..
مئات الموتى لي ح يروحو بسبب الاهمال و عدم الوعي منها (رصاص طايش، و حوادث السير) و اخرها عدم الاحساس بالمسؤولية ، لشعب صار فيه الاصابات ب ٣٠٠٠ يوميا.. 😏

يعني غريب و لك شو عم بتستوردوا ناس من برا؟؟🤔

ماشيين و عم بتبزقوا ع بعض؟؟🙄
فهمونا شو عم بصير معكن..

يااا خييي لي عم بتفتف ما تقعدوا معه… 🤤

و بالنسبة للرصاص الطايش.. و لك يا حبيبي يا خيي اذا بدك و عبالك و ما قادر لازم تقتل حدا عشان تبدا سنه جديدة.. يا خيي ما تقوص بالهوا خلص جمع جيرانك و قوصوا ع بعض.. هيك بتنبسط و بتعد قتلى و جعله عمرك ما رجعت انت و هني سوا

يعني بلد عنجد فوق مصايب الناس مصايب زيادة صرنا بلد الاول بكل شي سيء

لبنان
الاول بقله الوعي

الاول بالطائفية / المذهبية / المناطقيه / العشائرية

الاول بالانتماء لاي بلد بتقولوا اهلا فيك
الاول بقلة الضمير بين ابناءه
الاول بكورونا
الاول بطبقته السياسية الغريبة العجيبة (يستحق دخول غينيس)
الاول بعدد الاصابات بسرطان..
الاول الا شوي بالفقر و حرق الطبقات الاجتماعيه
الاول بلا كهربا
الاول بلا مي
الاول بلا دولة و بلا قانون
الاول بلا شعب (لان قريبا لباقيين مسافرين)

و الانكى من هيك..

قال بسافروا هربانين من الواقع المقرف بلبنان و احزاب لبنان لي بسبب سياسيتهم جميعا تهجرنا..
بيجيك “تيس” بدو يعمل فرع لحزبه بدول اغتربيه و الحكي بشكل عام..

ولك يا ارنب لو هلئد مهم انت و قائد ما نقبر خليك بلبنان كان تم تعينك بشي مركز مهم و لي..

تمسح صبابيط لشي نايب او وزير تابع لخطك الحزبي بمختلف الطوايف.. انا عشانك يعني حرام “ارنب” متلك او متلو تعيشوا بكندا مثلا او افريقيا او الصين بعيدا عن انتماءكن.. لبنان بحاجه لحجار نزلوا ولو..

طيب شو بفيد فرع الحزب او التيار ببلد اغترابي او لازم تبقوا اذناب ما فيكن تصيروا بشر؟

من الاخر… مرض و قرف و رصاص طايش و طوايف و تناحر… هيدا اختصار حياتك عزيزي اللبناني ..

لا تواخذنا بس يلا… هابي نيو يير..