الجالية اونلاين
الوطن جاليات لبنانية

ليش علي كاتور….

ناسف ع بعض التصريحات اللا مسؤولة ممن كان يفترض بأنهم أصحاب مسؤولية ..
صدق المتنبي (وَإِذا أَتَتكَ مَذَمَّتي مِن ناقِصٍ
فَهِيَ الشَهادَةُ لي بِأَنِّيَ كامِلُ)
انا المواطن اللبناني الذي أنهكه الاهمال و التقاعس و قلة إهتمام الدولة و ممثليها بأمور أبناء هويته..

استغرب كل التصريحات و الافتراءات و الأحاديث الضبابية التي لا تعني الا مطلقها..و اضعها في خانه المثيرة للريبة
و الاهم هل كل تلك التصريحات مجرد(امنية لمطلقها)

ان استهداف علي كاتور سببه نجاح علي كاتور بإيجاعهم و ازالة الفلاتر و الاقنعة التي كانو يرتدونها.. و يمثلون على القريب و البعيد فيها…

🔥بدكن تعرفوا ليش علي كاتور؟!!

ببساطة اذا منراجع سوا كل المقالات لي حكي فيها بالسابق عن الامور الحياتية لابناء الجاليات اللبنانية منلاقي انو الإهمال هو القاسم المشترك الاول و الاهم في جميع الدول، ما يعني ان السفارات التي يدفع اجاراتها ملاييين سنويا (ماعدا تلك التي تعود ملكيتها للجالية و هي قليلة نسبيا )
تلك السفارات لم تكن يوما بنظر الاغلبية المطلقة من الناس بالمستوى المطلوب..
ناهيك عن الإستقبال السيء للمواطن و ساعات الإنتظار و التلفون (لي برن و ما حدا برد عليه)
حتى (يخيل لي) بإنو التلفون برنة موسيقى غنيه (حبيبي بالبوند العريض)
و اعتراضنا على طريقة عمل تلك الهيئات سبب لها ارباك قوي جدا..

منكمل!! ؟!!

ليش علي كاتور؟!!!!

ببساطة لأن علي كاتور و لا مرة قبل يكون تابع لحدا
لأن علي كاتور و لا مرة قبل يكون أداة بأيد حدا
لأن علي كاتور و لا مرة كتب بكيدية ضد حدا
لأن علي كاتور قلم بيكتب عن ظلم وعذاب وجع كل حدا.
لأن علي كاتور ما قبل يحضر اجتماعات الزور و الحفلات التنكرية الي فيها كل حدا لابس الف وج… لدرجة انو بعضهم تعرف ع بعضهم مع انو من سنين بيعرفوا بعضهم..

بس تعدد الاقنعة خلتهن ما يعرفوا بعضهن…

🔥 لأن علي كاتور و لا مرة توقف و لا حتى ب مركز شرطة..

🔥 لأن علي كاتور عمل لي ما قدروا يعملوا كتار قرب المسافات و جعل الجاليات كلها عائلة واحدة و موقع واحد…حمل همهم وأخبارهم،

🔥 لأن علي كاتور ما قبل انو مرا لبنانية تنهان و تتقلل من قيمتها..
لان علي كاتور قدر ببساطة يقول كلنا (ضد تعنيف المرا المغتربة) و إذا (بعيدة عن اهلها؟!! نحن اهلها)

🔥 لأن علي كاتور تابع ملفات اكبر من استطاعة موقع الجالية اونلاين ان يتابعها و اهمها ملف كورونا و طائرات الإجلاء..

🔥 لان علي كاتور قدر يوصل انو يكتب برنامج الاجلاء قبل ما ينعرض حتى ع قنوات الاخبار عنا

🔥 لان علي كاتور لما عرف انو باحدى الدول الافريقية في مشكلة و منقسمه الجالية (قدر و اونلاين يعمل لجنه شبابية) نجحت اللجنة بعمل جدوله للحالات المرضية الاكثر حرجا” حتى تكون من اول الاسماء ع الطيارة…

🟢 مين تابع ملف (بانغي) و ملف (ساوتومي)؟ ؟و نيجيريا و الغينية اكواتوريال و غانا و غيرها؟!!

🟢 مين حكي عن العراق و ((((جنوب السودان)))) و الشباب بتركيا و غيرها من الدول لي المفروض انتو يا وزارة الخارجية تحكو فيهن.. مش علي كاتور..

🟢 مين نسق بموضوع الايفرماكتين مع وزارة الصحه عبر شباب و مغتربين و لجان شبابية لبنانية (بلا ما ياخود صور)

🟢 مين وزع المساعدات لي ما النا جميل و هيدا اقل واجب و (بلا ما ياخد صور)

🟢 علي كاتور و بالاشتراك من بعض الطيبين عثر على مواطن لبناني بعد فقدان اي اثر الو لسنين و خلق صلة وصل بينه و بينه اهله (ما طلع ع الاعلام و قال انا عملت)

🌍 هيدا علي كاتور لي سمع وجع الناس من كل المناطق و حاول يساعد بكل المناطق اللبنانية بلا ما يفرق بين منطقة و التانية… و ع فكرة ما طلب لا وسام و لا شهادة حسن سلوك..
لأن بصراحة و بلا زعل اذا في عنجد حدا ممكن يوزع شهادات حسن سلوك فهو نحنا، لان منعرفكن و منعرف قصصكن كلها…
علي كاتور قلبه ع وطنه… لي هاجروا كل اهله..

وعلى رأي الشاعر أبو القاسم الشابي: فلا بد لليل أن ينجلي ولا بد للقيد أن ينكسر،،،

علي كاتور لي قال.. انا شاب لبناني أتشرف بالانتماء لوطن حرقتو دينه و ما خليتوا فيه شي..

بس لو شو ما صار “راجع يتعمر لبنان”

#شكرا_علي_كاتور

اقرأ ايضا

بيان صادر عن رئيس الجالية اللبنانية في غينيا كوناكري

Ali Katour

بس مات وطن…. (المواطن المستقر )

Ali Katour

الدكتور محمد بسما يفوز في الانتخابات البلدية في جزر الكناري

Ali Katour

اترك تعليق

2 + 8 =