لبناني و حلمه كبير .. بقلم الشاعر احمد عامر

مبارح ب نومي بصرت إني مٍتِّ
و نادى المنادي صَف ب الطابور
تركت البشر ت تصف ، بعدا وقفت
اول ع صفي ب أرزتي مغرور
….
وبعدا وقفت اوّل على صفّي
ولاقي على حيط الأمل كفّي
وقرّب حسابي وقالها الله
تفضّل النار كتير بتدفّي
……
وقرّب حسابي وقالها الله
قضّيت كل العمر تتسلى
صوم و صلا معليش ، لكن كيف
عن هالكرامة ليش تتخلى ؟؟!!
……
صوم و صلا معليش لكن كيف
لاحق زعيمك ع العمى تزقيف
هوّي اللي ناهب فيك ليل نهار
طحينك إلو ، بيشلحك الرغيف
……
و هوّي اللي ناهب فيك ليل نهار
بيسرق أمل عكّازة الختيار
كافر ما عندو رب ، حتى ابليس
منّو زعل بينافسو ع الكار
…..
كافر ما عندو رب ، حتى ابليس
يتبع …..
أحمد عامر