الجالية اونلاين
الوطن باقلامكم

لاعاد تسافروا بالبحر ..

ياجماعة الخير ..من خبرتي المتواضعة بالبحر وبالمراكب الصغيرة..رجاءا ثم رجاءا ثم رجاء . لاعاد تغامروا بارواحكم وتسافروا بالبحر عاى ظهر تلك المراكب الصغيرة الغير معدة للسفر ويلي هي بالاغلب مراكب صيد ونزهة مجهزة للابحار بالمياة الاقليمية وقريبا من البر .

اولا المراكب كلها متهالكة وقديمة وبدائية ..وصيانتها. يادوب شايلتها . والمهربين عما يسفروا العالم عليها وعلى اي مركب عما يقدروا يحصلوا عليه حتى ولو كان القارب قديم و مستهلك وخشبه تعبان و محركه متهالك..والاعداد يلي عما يتم تحميلها على هالمراكب. تفوق اضعاف مضاعفة القدرة الاستيعابية لها.
والاخطر من هيك ..البحر المتوسط من شهر ايلول وطالع ..ببلش يصير متعب وصعب الابحار فيه بسبب دخول مواسم النوات البحرية ..وعرض البحر مختلف كليا عن بحر الشط ..الموج فيه اعلى والتيارات اقوى ..وممكن باي لحظة يعلى البحر وتتعرضوا لامواج تكسر المراكب المحملة فوق طاقتها..والاخطر اذا المحرك تعطل بعرض البحر ..ساعتها ماعاد يتسيطر على المركب وممكن الامواج العالية تقلبه وخاصة اذا اصاب الركاب حالة من الذعر ودبت الفوضى على ظهر المركب.

البحر اله ناسه ..واله طقوسه ..واله مخاطره وشقاه..ماكل الناس مؤهلة تركب امواجه ..وتمضي ايام بطولها تصارع اهواءه ..وتتحمل مشاقه وجبروته

مهما كان حالة الياس المزروعة بقلبكم من الاوضاع الصعبة يلي عما نعيشها . ومهما كانت امالكن ورغبتكن كبيرة بالوصول لبلد لجوء جديد لتبلشوا حياة جديدة .
رجاءا لاعاد تغامروا بارواحكم وتسافروا بالبحر من هلق وطالع. الروح مابيغلى عليها شي ومافي شي بيستاهل تعرضوا حالكن للغرق فلاتستهتروا بارواحكم وارواح اولادكم وعيالكم .

الله يصبر قلوب واهالي يلي غرقوا اليوم ..ويلي عما يغرقوا كل يوم ..الله يرحمهم ..وانشالله غرقهم بكون عبرة ودرس للي عما يفكر بالسفر بظروف غير عقلانية وغير منطقية وغير انسانية .
عسى حادث اليوم يكون رادع للجميع حتى مايغامروا بانفسهم وباحبتهم ..
الله يرحم الجميع والعوض بسلامتكم .
Rami makhoul


#الجالية_اونلاين #الوجود_اللبناني #الغابون #ليبرفيل #لبنان #صور #بيروت #طفل #رضيع #عائلة #استهتار

اقرأ ايضا

شهداء للجيش اللبناني و هناك من يطالب بالعفو عن القتلة

Ali Katour

مغترب لبناني قادم من افريقيا.. هيك صار معي 🖋️🇱🇧

Ali Katour

حلحلة في ملف جواز السفر اللبناني

ليلى سعيد

اترك تعليق