الجالية اونلاين
باقلامكم محليات

قصيدة بعنوان ” بسوق اليا ريت” ..بقلم الشاعر قاسم بدران

بسوق الياريت عملت كزدورة
تا شوف شو في .. عبسطاتو
ما لقيت جواهر ولا قصورة
لاقيت ذكريات الزمن ماتو
•••••••••••••••••••
بسطة فرح بسطة فكر مرتاح
وبسطة نجاح ومجد للقمة
بسطة وقت من هالعمر راح
وبسطة حنين وشوق لإمي
•••••••••••••••••••
بياع عارض عبسطتو محبة
تا يبيعها بأرخص …. الأسعار
وعندو من الوفى بعد كم حبة
عليها اتجمعوا الناس والتجار
•••••••••••••••••••
بسطة حلم مدودخ ونعسان
وريحة طفولة بعدها عالبال
شو غالية سلعات هالدكان
ما بتنشرى بجوهر …ولا مال
•••••••••••••••••••
ما كان بالجيبة مصاري كتير
ولا عاد السوق بالفعل يعنيني
تبضعت مرة وقت كنت زغير
واليوم صارت قيمتو سنيني

اقرأ ايضا

افتتاح مستوصف طبي للجالية اللبنانية🇱🇧😏

Ali Katour

توقيف شاب ثان قيل انه من الجالية لبنانية.. والعمل جاري لمعرفة التفاصيل…

Ali Katour

العثور على البضائع المسروقة من متجر الشاب م.ض

Ali Katour

اترك تعليق