سألتو: قدي كرتونة البيض البلدي ؟؟؟
الختيار جاوبها : ٧٠٠٠ الكرتونة !!
قالتلو حسبها ب ٦ آلف باخد ٢ كرتونة او بروح ؟؟…
جاوبها بصوت مخنوق: تعي خديهم حتى استفتح عندي ولاد جوعانين بالبيت ناطرين …
اخدت المدام البيض وطلعت بسيارتها نافخة صدرها حست انو ربحت معركة،من ثم كفّت طريقها عالمطعم لتشوف رفقاتها واكلت وكانت الفاتورة ب 40 الف وخمسمية عطيته 45 الف وقالتلو والبسمة على وجها خلي الباقي لاالك !!!…
المشهد عادي لهل الست بس موجع لبائع البيض…
ليش دائماً منتشاطر عالمحتاجين ومنحارجهم بس بدنا نشتري منهم ابسط الأشياء ومنكون كتير كرمة مع الناس يلي ما بحاجة لهل الكرم الزايد؟؟!!
الجالية_اونلاين
