كل سنه بالغابون منودع ولاد بلدنا لي بينزلو يزورو الاهل وهون انا بشوف بعيونن فرحه راجعين من تعب غربه لياخدو روح تقويهن من تعب وشقى السنين من شغل ليل نهار وما بيخلص المشوار
صارو ٦ سنين ما شفنا لبنان وريحه ترابو كبرو الولاد بالغربه وكبرت همومن معن ومتلي كتار يا بيي التذكره ليسافرو بعيدي
صحيح مغربين ومستورين بس على قدنا بعدنا لابسين توب الارض لي خلقنا بحضنها
يا نازلين عالبنان…. سلمولي عبيروت وبحرها سلمولي عجنوب البطولي عالفلاح ورزقاتو عالراعي وغنماتو سلمولي عجلال كروم العنب وعالتوته العتيقه وعا كل نقعه مي وكل حي وحي عدكانه العم الطيب وعجقه الجيران قولولن ما نسينا بس الظروف ما عم تخلينا
قولو للاهل رح يجي يوم ونرجع قولو لامي قهوتك حليها يمكن يلحقنا منها شفه ونتبارك بصبحيتك يمكن تلحقنا كم تبصيره
قولو لبيي القلب تعب كتير وعطشان عغيابو بس القدر ما عم يواتينا والناس مش للناس وما حدا بغربتو مبسوط بلكي يبيي الحال بيتعدل وما يزعلو لو طالت الغيبه لا بد ما يتغير العدان
ونرجع عا ارضك يا ارز لبنان ……
#بقلم الزميل حسين العبدالله
#الجاليه_اونلاين #الوجود_اللبناني
قربت النزلة ع لبنان…
