كتار شافوا هالصورة
بس قلال لي عرفوا قصة الشاب اللابس كنزة بيضاء
هيدا عماد زهرالدين، ابن بلدة برج رحال الجنوبية، شاب مندفع خلوق، موظف اداري في مرفأ بيروت معروف باخلاقه العالية وطيبته الجنوبية المميزة.
اول ما صار الحريق بالمرفأ وقبل الانفجار ، ركض عماد تيساعد بفتح الباب للعنبر ١٢…
مع انه هو موظف اداري لا علاقة له بفتح ابواب العنابر ومكتبه بعيد عن العنبر رقم ١٢..
بس هو ركض بكل شهامته ونخوته الجنوبية حتى يساعد، وما فضل النجاة بنفسه وترك المكان !
وبعد هالصورة بدقائق، عماد ومن معه بالصورة طلع فيهم الانفجار الكبير، وحتى اللحظة لا يوجد لهم اي اثر ..
عماد ضحى بنفسه كرمال كل لبنان …
خذوا الحب من عماد وواجهوا فيه كل حدا عم يدعي للتفرقة والانقسام ، وقولوا لهم عماد وكل حدا استشهد هني سبيل وحدتنا .
