الجالية اونلاين
قضايا الناس

طفل مصاب بالسرطان يتمنى الموت.. اشكروا الله ع نعمة الصحة💔🇱🇧

مبارح و انا راكب بالباص وحدة قاعدة جنبي و معها ابنها الصغير معه سرطان
ف تطلعت عليها لقيتها زعلانة و شكلها تعبانة و مهمومة كتير و إبنها يمزح معها و يقول لها اضحكي و يحاول يضحكها وهي تضحك و هي مخنوقة ..
فجأة قال لها و هو تعبان
قال بالحرف الواحد امي انا ايمت الله بدو ياخدني انا تعبت من الابر كتير
بهذه اللحظة حسيت ان جسمي انشل و انصدمت كتير و دمعت عيوني و الام لاحظت هذا الشي

قالت له .. لا يا حبيبي انت رح تعيش و رح تضل معنا مع اختك ليلى الي بتحبها
و هي عينها دمعت .. و انا باسمعهم اتطلعت عالولد و قلت له انت حلو كتير و بتشبه القمر
ف ضحك الولد و قلي بس شعري وقع و ما ضليت حلو متل قبل
و هو عيونه دامعه ، مسكت يده و هي مبينه زرقا زرقا من ابر الكيماوي

و بستها ف تطلع على امه و هو فرحان انه بست له يده
ضليت بعدا اضحك و امزح معه لحتى وصلت عالمكان الي بدي انزل فيه
و انا نازل قال لي ادعيلي أكون حلو و شعري يطول متل قبل
قلت له مو بس انا رح ادعيلك
انا راح أخلي كل العالم تدعيلك مشان تضل حلو و تضل بخير و تضل عايش معنا
نزلت من الباص و إنهرت من البكاء

و ساعتها حسيت ان الله عاطينا نعمة كبيرة كتير و هي الصحة
حتى لو انت مو بخير اشكر ربنا
لان في ناس بتتمنى تعيش بس
نحن بنعمة كبيرة مو حاسين فيها في ناس بتتمنى بس تعيش بدون ما تاخد علاج
ادعو ل مازن انه يعيش و يتعافى حتى يرجع لبيته و اهله
انا وعدته انو راح أخلي كل الناس تدعي له كرمال يشفى
هو بحاجة دعاكم ..

اقرأ ايضا

لمن لديه أي معلومة عن أهلها يرجى إيصال صوت المساعدة والتواصل على الرقم.. التفاصيل ❤️🇱🇧

Ali Katour

مطلوب معلم سناك وشاورما.. التفاصيل

Ali Katour

٧١ عاماً على فقدان الضمير العربي حسه الإنساني والقومي .. #فلسطين_قضيتي – اعداد و تنسيق الاخ قاسم يونس

Ali Katour

اترك تعليق

ستة عشر − عشرة =