بعض المغتربين بافريقيا بيهملوا صحتهم ليجمّعوا مصاري بيرجعوا بيحطٌوهن على صحتهم ليضّلوا عايشين وبيحرموا حالن من الحاضر كرمال المستقبل وبالنهاية ما بيتهنوا لا بالحاضر ولا بالمستقبل وبيعيشوا وكأنو مش رح يموتوا ابداً بينما بتلاقيهم بيموتوا فجأة …..!
هيدي سيرة حياة بعض المغتربين المحزنة في بعض الاحيان ما فيك تلومُن لأنو عشنا بلبنان من دون دولة وحقوق من دون ضمان ورعاية عشنا ومتملّكنا احساس انو ما في حدا لحدا وخبي قرشك الابيض ليومك الاسوَد هناك خوف من الحاجة من المستقبل خوف على عيلتك وولادك بغياب حقوق المواطن بلبنان ونتيجة ذلك بينصاب بعض المغتربين بمرض جمع الاموال من دون صرفها ليعيشوا حياتن بسعادة ورفاهية
بيخبوها للزمن وبيموتوا مقهورين تعيسين ما بيتهنوا لا بعيشتن ولا برزقن
الله يلعن دولتنا ويلعن السياسيين المسؤولين عن اوجاعنا وغربتنا..
بقلم الزميل عصام ابو يحيى | Issam abou Yehia
