شو بهمو بيقبض بالدولار مغترب
تفضلو يا اصحاب الاقلام الجارحه هذا مثال على المغترب اللي بكد وبيتعب ليكسي بيتو وولادو من غدر الزمن
هيدا لي حرم حالو من انو يعيش بحارتو بين اهلو وناسو كرمال الزعما لي ببلدو عم يتخانقو عالكرسي والمنصب والحصص واللي جناه كان اخر شي متر بمترين بارض غريب عنا
الله يرحمك يا عم يمكن هيدي الصوره ما تاثر بقلوب الناس لي بلا قلب بس هالصوره بكت قلوبنا
الغربه مره وافريقيا مش منجم ذهب متل ما مفكرين هون عم نشتغل تناكل ونشرب ونعلم ولادنا لان للاسف ببلدنا فقدنا هالشي
الحزن كبير لما نفقد غالي او عزيز بس العتب اكبر لما يندفن لبناني ببلاد غريبه وحتى لو الاهل هيك قررو ممكن ما بدن يطلبو من حدا يامن تكاليف النقل
يا ريت يا زعما بلادي تتكرمو علينا كمغتربين نحنا عم ندخلكم مصاري عالبلد مهيك؟؟؟
تكرمو علينا ودفنونا ببلدنا بس نموت خلونا نشم ريحه تراب بلادنا الحلوه لي حرمتونا منها
دفنونا تحت ظل الشجر عكتف النهر جنب حقول القمح وكروم الزيتون دفنتوا فينا الامل تا نموت ببلادنا الله لا يسامحكم دني واخره
#صرخة_مغترب : ما حدا يقرل المغترب شو بهمه… لان صدق ع كفه حامل دمه
