كتب ابن الوجود اللبناني في الغابون المغترب اللبناني علي بيطار ، بعد محاولة البعض لبننة الوضع في الغابون و نقل آفة الاحزاب المقيتة التي كانت السبب بوجودنا في دول الاغتراب..
كتب ألم كل مغترب شريف جاء بحثا عن لقمة عيشيه بعيدا عن التلون و التحزب و الطائفية..
كتب اننا في بلد قانونه لا يجيز للمغترب التحزب و التلطي بأسماء حزبية.. و دعى الجميع لنبذ اي محاولة لاصحاب المأرب المعروفة سلفا..
ما بدنا احزاب لبنانية بالغابون
ما بدنا اصطفافات طائفية
ما بدنا نشوف لبنان تاني بطريقة التقسيم…
جايين نشتغل بهالبلد.. مش جايين نتحزب…
إليكم ما نص المنشور كما جاء :
منيحة، هلّق صرت بدّك تكون تابع لحزب لبناني معيّن بالغابون كرمال ما تكون من الكافرين.
شو رأيكن تحلّو عن سمانا و تتركونا بحالنا و مش كل يوم دراما جديدة؟؟
انا يلي بعرفو انو ابناء الجالية اللبنانية بالغابون جايين يشتغلو و هربانين من الأحزاب السياسية يلي هلكت سمانا. اذا بدكن تعملولنا جالية لبنانية بنظام و رايات الاحزاب اللبنانية ما بدنا ياها هون.
هون نحن بالغابون مش بلبنان، بالغربة مش بالوطن، هون ما في ديك صيّاح لأنو المزابل اللبنانية مش شغالة بالغابون.
هون ما في حزب و حركة و شيوعي و شيعي و سني و مسيحي و درزي، هون بالغربة كلنا مغرّبين بعاد عن اهلنا و احبابنا، ما تقسمونا كمان بالغربة، مش رح نسمحلكن.
