الجالية اونلاين
باقلامكم

سفارة لبنان مش لكل اللبنانية.. صدق معالي الوزير

وردنا اكتر من حادثه لاكتر من شخص واجهوا مشكله بتجديد اقامتهن بسبب انتهاء صلاحية جواز سفرهم اللبناني..و كان انتهاء صلاحية جواز السفر يعني انتهاء الانتماء و سقوط الجنسيه عن ابناء الوطن لبنان.. و طبعا متل العادة يا سعادة.. موظف الخارجية اللبنانية مشغول بالاستقبال و التوديع و التغريد بانجازات اقل من طبيعية، ما علينا..

بالنهايه يمكن هالانجازات تكون بالنسبه لغيرنا مهمه، بس النا نحنا اليوم كشباب لبناني حاجتنا للسفارة مش بالاجتماعات و العلاقات العامه.. الكل عندو علاقات و الكل بيعرف الكل..نحترم و نقدر

اليوم اذا شاب لبناني راح ع السفارة اللبنانية لي هو مفكرها سفارته عم يبقى وقت طويل منتظر ليسالوه و من بعدها بدو ينتظر ليجي الرد و عد و مد و الاسباب؟؟؟ و ذلك و بحسب ما وردنا لكثرة الاعمال لي ما بعرف اديش معقول و مقبول هالكلام..

طيب.. في مشكلة جواز السفر منتهي و الشاب بحاجه لتجديد اقامته و الا بكون موجود بطريقة غير شرعيه ع الاراضي الغابونية..

مش مقبول ينقال “الجواز بيتجدد بلبنان و الموضوع ممكن ياخود شهرين

المفروض السفارة موجودة لتسهيل امور الوجود اللبناني..طيب ليش ما هيك عم بصير و ليش دايما التعقيد و العمل على تضخيم اي مشكله بتوصل للسفارة، كلنا يعلم بان بامكان السفارة مساعدة هالشباب و لكن للاسف لا حياة لمن تنادي…

يمكن صار لازم ينرفع كتاب رسمي من الهيئة الادارية للجالية اللبنانية لسعادة وزير الخارجية اللبناني في حكومه تصريف الاعمال و شرح ما يجري من تجاوزات من قبل موظف الخارجية اللبنانية..

اعيد و اكرر.. ادعوا اخواننا في الهيئة الادارية للجالية اللبنانية في الغابون و اللذين كانو شهودا على اكثر من حدث و كانوا شهودا على ما جرى يوم قامت الجالية اللبنانية بالتبرع بقيمه 415 مليون فرنك للحكومه لمحاربة كورونا.. و غيرها من الاحداث ك موضوع الادوية الضرورية و اكثر

ذلك لان وصل الحال الى حد لا يطاق..

فنحن جميعا تحت سقف القانون اللبناني و سفارتنا وجودها من وجودنا و ليس العكس..

و (للبعض) لي بحبو تبيض الطناجر من اصحاب البدل و الغرافيت قعدوا لان ما حدا قاريكن.. و المحترم يحترم و خلصنا

اقرأ ايضا

السلاح المتفلت وين ما كان صاير … العالم بلا رحمة و بلا ضمير 🖋️🇱🇧

Ali Katour

ما ح يجوع وطن نحن اهله.. بس هيك

Ali Katour

جن جنون الدولار..

Ali Katour

اترك تعليق

اثنان × خمسة =