في رساله له عبر صفحته، اعلن الزميل حسين العبدالله ترشحه لعضوية الجالية اللبنانية في الانتخابلت القادمة التي بدأ الاعداد لها و بدأت احزاب السلطة و تيارات الفساد تسعى للسطو و السيطرة عليها…و هنا نؤكد اننا سنقوم بمتابعة كل الامور المتعلقة بالانتخابات تباعا..
اليكم اعلان الترشح..
🇱🇧****🇬🇦****🇱🇧****🇬🇦****🇱🇧****🇬🇦
اخوتي ابناء الجاليه
سلام من القلب وبعد
في انتخابات الجاليه القادمه وبعد لي عم شوفو واللي عم نعانيه
ساكون مرشح مستقل مش تابع لحدا وبرنامجي معروف
مفي كبير وصغير في الكل نفس واحد
مفي خيار وفقوس
الموظف الو حقوق وعليه واجبات وصاحب المصلحه ذات الشي
في لجنه للعمال في احترام لساعات العمل في مدرسه بدا تنبنى في مستوصف بدو يصير وفي وفي وفي بدنا شغل بدناش حكي
مش لح يكون في فانوس سحري بس في اصرار وعزيمه مش لح جامل حدا ومش لح اسكت لحدا
لذلك قررت ان اترشح لانتخابات الجاليه القادمه باسم الشباب المكافح باسم كل معتر ومظلوم
ممنوع لبناني يتطاول بنفوذو على حدا هالبلد نحنا فيها ضيوف وكلنا تحت القانون معارفك خليها الك
والله ولي التوفيق
شعاري لح يكون مش كلام فعل
فايت هالفوته ويمكن ما معي حق التامين للمرشح بس الله بيسر وما بحس بالمعتر الا لي متلو
#الجالية_اونلاين #الوجود_اللبناني #الغابون #ليبرفيل
“ساكون مرشح مستقل مش تابع لحدا”
