إذا جينا حَكّينا راسنا منيح وفكرنا
إذا طلع صوتنا وسألنا كم سؤال مين ممكن يجاوبنا؟؟؟؟؟
ليه عنا مفهوم ربط شخص الزعيم بسيادة الوطن؟!
ليه شخصه يُبجل ويُعظم حتى ينفني الشعب وينكسر الوطن؟
لي هو الفخامة والسيادة والدولة والمعالي ونحنا ع أقل شي مواطنين وإذا تنفسنا مصير عملاء وخونة وووووو؟
ليه هو كل العقل وكل الفهم ونحنا بكل شهاداتنا وخبراتنا وانجازاتنا ولا عقل ولا فهم؟
لي ولاده أغلى من ولادنا؟
وراحته أهم من لقمتنا؟
لي هو مهما نهب ما بيكفيه ونحنا قد ما حفينا لازم يكفينا؟
لي نفديه بدمنا؟ مين أغلى، حياتنا يلي الله وهبنا اياها ولا بقائه هو ع كرسيه؟
لي ذنبه مغفور وإيماننا واحتسابنا بالله نحنا نُحاسب عليه؟
ليه لا يُسأل عن ملياراته ونُسأل عن قروشنا؟ ويا ريت قادرين نطال مصرياتنا
ليه رفعناه حتى ما عدنا طلناه؟
ولأيمتى حنضل رافعينه ومصدقين انه الزعيم يعني الوطن؟
المسؤول هوي مسؤول عن كل الشعب ما بس عن عيلتو أو يلي حواليه أو عدة الشغل إذا بدكم..
كل عمرو المركز كان تكليف ما تشريف .
غريب الطريقة يلي بيتعامل فيها( الزعيم) بلبنان .
الحق عمين؟؟؟؟
تبا لهم ولكتير مننا.
جلهم إلا من رحم ربي.
