الجالية اونلاين
جاليات لبنانية منوعات

رسالة من مغتربة لبنانية عم تخبر تجربتها بحرقة قلب 🥺💔



كنت إسمع إنو الغربة صعبة لحتى جرّبتا وعم عيشها..هلق عرفت ليه اسمها “غربة” مش متل ما بقولو إنو بتتغرب عن بلدك، بس لإنو كل ليلة قبل ما نام،بحس حالي غريبة ببلد كلو أغراب، لإنو كل اللي حواليي غريبين، عيون غريبة، أصوات غريبة، لهجات غريبة، وجوه غريبة.. هوي الشعور اللي بتحسو بس تجي لتنام غريب.. ما بتعرف إزا لازم تمبسط لإنو حققت شي الكل عم يحلم يحققو أو بتبكي قد ما اشتقت لأهلك، لبيتك، لمخديتك، بتشتاق تفوت عالبيت اللي في ريحة طفولتك وكل ذكرياتك وتسمع صوت امك اللي عيونها بصيرو يلمعو بس يشوفوك رجعت ومش داقتك شوكة..بتصير ضايع شو عم تحس.. بندم على كل لحظة كنت عم حط فيا طاقتي على الإشيا والأخبار البشعة وما كنت عم شوف إلا السلبيات، بندم إنو ما كنت عم بستفيد قد ما فيي من بيتي، من عيلتي، من منظر بيتي، من ريحة أرضي.. كل ليلة قبل ما نام بجرب قضّي وقت مع حالي، إتذكر كل الاشيا اللي بتخليني مبسوطة، وبترسملي ضحكة بعيوني وبتشيل دمعة الحنين.. جبت دفتر وعملتو رفيقي اللي كل ليلة بحكيلو عن مشاعري وأحاسيسي.. حبيت شارككن اليوم بأفكاري لقول انو بلدي مع كل سيئاتو وخبارو البشعة اللي ما بتخلص ونومي على مخديتي وعلى صوت امي وريحة بيي وضحكة خيي وتعواية كلابي بتسوى ملايين الدولارات “الفريش” وبتسوى مليون نومة مع عالم ما بعرف قرعة بيّا من وين وعلى ريحة أرض مش أرضي مش ملكي، وعلى ريحة أكل مش ايدين امي طابخن.
صدقوني انا ما بعرف من وين اجتني الفرصة اني سافر ويمكن تجيكن بكرا فرصة ومنا معجيزة.. بس رح تشتاقو تنامو بالبيت اللي حيطانو معباية من ريحتكن، بالبيت اللي اهلكن علموكن عالصح والغلط في، بالبيت اللي اهلكن تعبو لربوكن في واللي حافظ اسراركن ودموعكن ونجاحاتكن.. كونو مبسوطين إنكن عايشين بهيك بلد، لإنو حتى لو رحتو على آخر الدني قلبكن رح يضل يدقلو ورح تضل بعيونكن في دمعة اشتياق لريحتو وللأصوات اللي اغفيتوا عليها كل حياتكن.
مع حب، كرستينا ❤️🇱🇧.

#الجالية_اونلاين #الوجود_اللبناني #راقت_لي #بابليتي #ليبانون_توداي #لبنان_اليوم

اقرأ ايضا

أنت الوحيد الذي يملك جميع مفاتيح حظِّك”

Ali Katour

معايدة بعيد المعلم

Ali Katour

في ابيدجان: عاملة منزلية تسمم الطفلين الجنوبيين علي مروة وشقيقته الين والسبب ‘ شيطاني ومذهل’! .. وعلي بحاجة ماسة لدعائكم

Ali Katour

اترك تعليق

16 + تسعة =