الجالية اونلاين
باقلامكم

“اجا و راح” رسالة لسعاده السفير اللبناني في ساحل العاج

بتمنى من حضرة السفير اللبناني الجديد بساحل العاج يحاول يكسر القاعدة الّي تعودنا عليها وهي التجاهل التام لشؤون المغتربين في ابيدجان وكنت بدي اتمنى عالسفير السابق ما بعرف شو كان اسمو من بيت حتّي يمكن مع احترامي لمكانتو كان لازم يروح يعمل دورة سفير عند سفيرة لبنان بإيطاليا ليتعلم منها كيف كان لازم يخدم الجالية اللبنانية بساحل العالج بالأزمات حضرتو إجا وفلّ وما حدا حسّ فيه إلاّ الّي كانوا يعزموه على موائدٌن نحنا دايماً منلوم الدولة ولكن ما منلوم الاشخاص الّي موظفتٌن الدولة وبأغلب الاحيان المشكلة بتكون بالاشخاص ذاتهم الي هني بيمثلو الدولة اما عن الجالية والقيمين عليها ما بدي احكي لأنو ما بيجوز عالميّت الاّ الرحمة
ساحل العاج صنفًو لبنان بلد فحوصاتو غير دقيقة مع العلم بأبيدجان في مختبرات ذات تقنية عالية ودقة بالتشخيص ومختبراتها بمستوى مختبرات لبنان وساحل العاج بلد متحضّر والدولة العاجية مش مقصرة اتجاه شعبها بشي ..كل شي مأمّن …
وهالتوصيف الغلط الصادر عن دولتنا مسؤول عنو حضرة السفير الغايب عن شؤون المغتربين وهمومن ..
في دول تانية افريقية صنفها لبنان ذات فحوصات دقيقة وهيي اقل مستوى بكتير من ساحل العاج طبياً وخاصةً بالنسبة لفحوصات ال PCR ولكن لأنو كان في تواصل من مسؤولين فيها عن الجالية مع الجهات اللبنانية المختصة اثمرت بنتائج ايجابية وسهلّت عالمسافرين أمور كانت عبئ عليهن ووقت لبنان يصنف ساحل العاج ذات فحوصات غير دقيقة هذا يعني بأنو سفيرنا نايم وما عم يقوم بواجباتو وكذلك الأمر بالنسبة لبعض القيمين عالجالية الكريمة …
هون ما في حدا عم يتواصل مع السلطات اللبنانية ليعمل شي..
هون فيه خدمات بابيدجان لبعض المغتربين نعم بس مش من السفارة ولا من مسؤولي الجالية ولا من وزارة المغتربين بس على مستوى فردي مش بإسم الجالية ككل هون كل واحد بيشتغل لحالو ما في تكاتف ولو كنا موحدين كنا ضغطنا على دولتنا المهمشّتنا واجبرناها على ان تحسبلنا الف حساب …!!
مع احترامي للجميع ..

اقرأ ايضا

العالم الاغترابي صورة طبق الاصل لوضع لبنان 🌏🇱🇧

Ali Katour

تعلموا ادارة الازمات لا خلقها

Ali Katour

عم تسألونا ليش هاجرتو .. بقلم الشاعر قاسم بدران

Ali Katour

اترك تعليق

خمسة × 4 =