الجالية اونلاين
منوعات

حجة ابنك ل بافريقيا مات !!؟!!

👨‍🦰 -كيفك ياحجه ؟

👩‍🦳 الحمد لله يا إبني..

👨‍🦰-أنا جاي عشان خبرك خبر مش حلو..
👩‍🦳-عارفة الخبر وحسيت فيه من لما دقيت ع الباب..

👨‍🦰-شو هوي ياحجه ؟
👩‍🦳-ابنى يلي بأفريقيا مات صح ؟

-ايه يا حجة .. الله يعطيكي الصحة والبقية فى حياتك..
-تفضل فوت اعملك شاي..

👨‍🦰-شاي شو ياحجه! عم قلك ابنك مات..
👩‍🦳-بعرف يا ابني .. ابني ميت من زمان .. بس قلي هوي كيف مات هل المرة؟

👨‍🦰-مات هل المرة !! خلص شغل ب الليل وهوي عم يسكر المحل هجموا عليه حرامية بدهم يسرقوه وقاومهم، قاموا قوصوه..
-كم ملعقة سكر يا ابني؟

👨‍🦰-رح تجننيني ياحجه بس!! شو يعني، ميت من زمان، ما فهمتها؟ شو هالصبر يلي عندك وطولة البال؟
👩‍🦳-يا ابني .. ما حدا بيهرب من قدرو .. أنا عارفة انو ابني رح يموت .. بس كنت بحاول خليه جنبي اطول فترة ..
ابني مات من زمان لما تخرج من الجامعة وما لاقى شغل ..
ومات مرة تانية لما حب وحدة وكان بيحلم يتجوزها بس ما قدر يأمن قرض ع الاسكان ليشتري شقة يعيشوا فيها لانو ما عندو واسطة..
ومات مرة لما اشتغل وايتر بمطعم واجت البنت يلي كان يحبها مع خطيبها ابن المسوؤل..
ومات كمان مرة لما ابوه مرض وما قدر يفوتو ع مستشفى منيحة.. وبعدها شال همي وهم مرضي وهو ما كان معو حق ترويقة ..
ومات مرة لما …

👨‍🦰-بس يا حجة يرضى عليكي..
👩‍🦳-معك خبر يا ابني .. آخر مرة قبل ما يسافر لما ودعتو كنت حاسة انو رح يموت .. سألني شو بك، قلتلو ما في شي بس ما لحقت اشبع منك يا ابني، قلي بشهر رمضان رح انزل ومنفطر ومنعيد سوا …
نحنا الفقرا بهالبلد يا ابني ما منفرح ب العيد اكثر شي منروح الصبح ع المقبرة ومنحسد يلي فيها لانن ارتاحوا من هيدي العيشة … الفقير يا ابني بيرتاح لما يموت، الحياة مش حلوة إلنا..

👨‍🦰-والله مش عارف شو بدي قلك ياحجه .. ع كل حال هيدا شيك ب ٥٠٠٠$ من صاحب الشركة يلي ابنك كان يشتغل عندو..
👩‍🦳-خليهم معك، بتروح بتفتش ع الشب يلي رح يتغرب بدالو واعطيه ياهن وقلو ما تحرق قلب امك مثل ما انحرق قلبي.!

اقرأ ايضا

١.٦ مليون دولار من فيسبوك للمستشفيات و المؤسسات الطبية 👁️🇱🇧

Firas Suleiman

GREEN OASIS عقارك ضمانة استثمارك… 🇱🇧

Firas Suleiman

بالفيديو.. أكبر سلطعون في العالم وهو ينسلخ من صدفته العملاقة

Firas Suleiman

اترك تعليق

2 × 5 =