جُمل يرددها المغتربون في أفريقيا باستمرار… 🇱🇧🔥

جُمل يرددها المغتربون في أفريقيا باستمرار :
—الله يلعن لبنان وساعتو..
—لبنان بيجنن ما في متلو بس بدّو يكون معك مصاري لتقدر تعيش فيه..
—لبنان حلو بس لشهر مش اكتر بعدين بتقرف حياتك..
—انا ما بعيش بلبنان لأنو حكامو كلهم حراميي
—يا خيي معك إرشين روح عيش بلبنان وما تتعاطى مع حدا ما تختلط بالناس بيوجعك راسك معك مصاري فيك تعيش مرتاح بلبنان..
—ومن أسئلة المغترب عندما يحضر الى لبنان ليطّل عاأهلو :
—شو فيه الواحد يفتح مصلحة بلبنان ؟؟
—ووين ؟؟
—وشو يلّي ماشي اكثر شي ؟؟
—شو بتنصحني ؟؟
—وأديش بدّو الواحد يكون معو تيفتح مصلحة تنتج ؟؟
—وأديش بدو الواحد بالشهر ليعيش بلبنان مرتاح؟؟..
—انت كيف عايش ؟؟؟.
والجواب بيكون دايماً :
—شو بدك بلبنان مافيه شي بلد مش صالح للعيش حتى لو معك مصاري بلد ما فيه لا قانون ولا عدالة ولا آمان واذا مصر تفتح مصلحة تطلّع مصاري افتح مطعم بس شي مرتّب او محل تياب..
والسؤال الأكثر تداولاً :
—قديش بدو الواحد ليقدر يعيش بلبنان بالشهر : —حسب فيك تعيش بألف دولار وفيك تعيش بعشرة ألاف يعني القصة نسبية ..!
آخ يا بلدنا يا مصدر وجعنا منحبّك وانت بالقلب بس ما عاد فينا نعيش فيك.!