تبارك اللجنة الاعلامية الاجتماعية لموقع #الجالية_اونلاين للمغترب اللبناني في الغابون الشاعر كريم عامر نجل الشاعر احمد عامر
لنيله جائزة الراحل الكبير عصام العبدالله للشعر المحكي
و قد علق الشاعر كريم عامر بان نيله الجائزة يعتبر شرف كتير كبير و وسام..
و بحب قلّو :
يا صوتك لْ ساكن زوايا الوقت
بين الحَكي و السَكت
بيصرّخ شِعِر
بتحيي قصيدة من بعد ما تموت
و بتنطُفي بيروت
بس تحترق عَ جمرةِ الركوة
يفيق الصُبح مخنوق
نعسان عم يبرُم على قهوة
ت يشم فيها ريحتك و يفيق
و ما يقتنع ، انو ما عادلو رفيق
ويحطّ راسو عالنعس و ينام
مبارح انا و نايم كَمَشت “مْنَام”
و حسّيت انو هالعُمر سِعرو نُقص
لْ متلك وقت ما يموت .. مش يعني خُلص
* ” مْنام ” هيي قصيدة من قصايد عصام العبدالله
