هذا ما جرى في مطار بيروت 🇱🇧
المشكله لي صارت ع مطار بيروت بيني و بين احد عناصر(امن المطار)🇱🇧😁
سببها انو البعض بلبنان ما بدو يفهم انو الامن مش ع الناس القانونية الامن ع الخارجين عن القانون…
الأمن ع الزعران ، ع الحشاشين مش ع المغتربين لي من قرفكن هربانين..
نحنا اكتر ناس منحترم الدولة و منموت فدا الوطن.. و مع مؤسسات الدولة..
بس اي دولة؟؟!!
الدولة الصح لي بخدمه شعبها مش لي بعض عناصرها مفكرين الشعب بخدمتهن..
من بعد التجاوزات و على عين الكل و امام اعين شريحة من ابناء الوجود اللبناني في الغابون لي كانو ناطرين دورهن لاكتر من ساعه بطابور الانتظار لي ما عم يتحرك لاسباب منعرفها
( مرق فلان لانو من عنا)
(مرق المدام لانو بلشت تشوب و البوتوكس بلش يميع)
(مرق فلانه لان بدنا نحكيها ع انفراد)
(مرق هالعيلة لانو من نفس العيلة)
و متل العادة، الكل صامت ينظر و يدعو الله بفك اسر انفسهم..
و من الطبيعي اني صور هالمشهد المؤذي من الانتظار اللا قانوني كونو في تجاوزات..
و هون بيتدخل احد الموجودين ببطاقة (كنت اتمنى) لو استخدمها لتنظيم و الحد من التجاوزات بقول (امن مطار) ممنوع التصوير
بالبداية ضحكت لان ما في و لا مكان مكتوب ممنوع التصوير (ذكرني بهيدي لي بالسفارة) لما اشارت لشعار ممنوع الحكي ع التلفون و قالت ممنوع ااتصوير 😂😂😂
قولتلو ليش عم تحكي بنمردة ؟!!
بعدين عرفتو عن حالي و طبعا حطينا طقية( الجالية اونلاين) لحتى فهم الموضوع اكتر..
قام بقولي طيب شغلك تصور بس مش بالمطار..
سالتو اذا انا بمطار لبنان او اثيوبيا لان غريب كيف الاعلام ممنوع يصور بالمطار اللبناني و طبعا رفضت امحي و خبرتوا انو الصور ح انشرهن مع انو ما كانت الغاية فقط النشر بقدر ما اني كنت حابب ارسلهن للاهل ليعرفوا اديش في ناس…
المهم خبرتوا انو المفروض اهتمامه مش بالاعلاميه و الصحافية و ياريت يعمل شغله و ينظم و يحد من التجاوزات لان مارحدا حابب ينطر اكتر.. و بقيوا الصور و الفيديو…
امن المطار من التجاوزات مش من ناقلي واقعكم اللا نظامي
عليكاتور #الجاليةاونلاين #الوجود_اللبناني #لبنان #بيروت
