علق الزميل حسين العبدالله على موضوع الافراج عن الموقوف اللبناني في الغابون بكلمات تصف الواقع المرير الذي يمر به وجودنا اللبناني حيث شكر كل من سعى للافراج عن الموقوف ,اليكم نص التعليق
الله يعطيهن العافيه واكيد فيهن البركه بس عنا مشكله هون صرنا عم نفوت بحوادث نصب وسواقه بلا وعي ( شربانين) ولوين بعد منا نوصل
يا جماعه هيدي البلد لي بدو يعمل فيها ابو زيد ينقبر يروح عبلدو يتمرجل هونيك
هون في عيال لبنانيه وفي اطفال
عيل عم يشتغلو تا يعيشو بسلام ما تخلو رده الفعل من ورا هيك اعمال توصلنا لمرحله انو نخاف نبعت ولادنا برات البيت
لازم يفهمو انو نحنا بهالبلد ضيوف والضيف بدو يحترك البيت لي زايرو
حركات الهبل هيدي طبقوها عند اهلكن ببلدكن
ساعه واحد فايت صفقات (افيرات) بالملايين ساعه شرب وسكر ساعه شحار وتعتير
خلص فرطولنا ياها وكل واحد مش قادر يضب حالو ينضب على بلدو
ما حدا فاضي للمشاكل
منوقف مع الادمي واللي معو حق …
بينوقف مع المظلوم ..
بس اذا حدا غلط وداير عالزعرنه والنصب..
انا كمغترب ضد انكن تساعدو
يا بترحلوهن
يا خليهن يتربو
بس هيك عم يتشجعو يكملو هالحركات
مع محبتي (ابو علي)
بدورنا كموقع غيور على مصلحة ابناء الوجود اللبناني نؤيد كلام الزميل العبدالله بضرورة ايجاد حل نهائي لهذه الحالات التي تُغرق وجودنا بالمشاكل …و الترحيل افضل الحلول .
#الجالية_اونلاين #الوجود_اللبناني #لبنان #الغابون #ليبرفيل
