اتصل فيي صديق عزيز طلب تامين دوا ملاريا لشاب لبناني قادم من افريقيا..
و اعلنا ع صفحتنا #الجالية_اونلاين انو بحاجه لدوا..
و تم تامين الدوا بسرعه فائقة..
و بعد اقل من نص ساعه ورد لموقعنا اتصالات من شباب بحاجه لدوا و بوقتا..
كانو الصبايا لي بيرفعوا الراس من اكتر من جالية تواصلوا معنا ليعطونا الادوية لنعطيها لشباب..
و كانو مستعدين هني يوصلوها ع صور من المناطق القريبة المجاورة..
لكن في اكتر من موقف استوقفني بهيدا العمل..
يعني مثلا للذكر لا للحصر (شاب لبناني من سكان بيروت ابن الجالية اللبنانية في الكونغو) بيتصل الساعه (٨ و شوي بالليل) و بيسالني انا وين و بخبرني انو بيطلع من بيروت ليوصل الدوا..
و بصراحة انا ما كنت حابب عذبه و المسافه طويلة…
و خبرته هالشي..
بعد اقل من ربع ساعه بخبرني انو هو (ع الطريق) جايب الدوا من بيروت الى صور…
و انا كملت مشوار ع قانا و البازورية و معركة كمان لامن الدوا للحالات لي بلشت تزيد لاسباب تغيير الطقس بلبنان…
شي ساعه و شوي و بيتصل فيي الشاب و بخبرني انو امام افران شمسين بمنطقة (جل البحر)
وصلت و اخدت الدوا منو و شكرته، و تمنيت عليه نسهر سوا
اعتذر لان عيلته بانتطاره و لازم يرجع ع بيروت…
بوقتها تذكرت انو في ناس بتقول والله اعلم انو علي كاتور من اكتر الاشخاص لي بحاولو يخدموا الناس (وهيدا شرف الي)
بس بعد ما شفت هالشاب و الطريقة لي وصل فيها الدوا لقيت انو بيتفوق عليي بمراحل..
لهيك حبيت اشكره من كل قلبي..
و اكيد في ناس طيبة من مناطق قريبة اصرت انها توصل الادوية لعنا..
و بشكر كل لي تواصلوا معي من شباب و صبايا من كل المناطق و صولا لسوريا.. و فعلا #الناس_لبعضا
بعدها الدني بخير.. و الناس لبعضا
