بعتذر يا بلادي
صار البُعد عادي
قولِك الغُربة شو بعد تفرُق؟
كلما ع أرضك صرت عم بمرق
حاسس بي غُربة كتير .. و زيادة
و بطّلت هالعادة
اني ب حُضنك اقعد و أشكي
ب كتفك ما بوثق .. بطّلت اتكي
و كل ما حرامي بيطلع بيحكي
فيي ألف جوعان بينادي
” هيدا ل كَسَرني و جوّع ولادي “
و بعتذر .. يا بلادي !
نِ فتحت تمّي
صرّخوا خاين !!
و صرلن عمر
عم يضحكوا علينا
و كلّو شِغِل دَينا !
الجوع ل فينا بطّل يضاين
و درب الكرامة كَسّر جرينا !
وصار الأمل ..
ميّت ب عينينا
مدري ما عِدنا نشوف .. يا بلادي
برمنا
و غير الموت ما لقينا
و صرنا “شوادي” بِ بلد” شادي”
” بالاذن من الست فيروز “
