الجالية اونلاين
محليات

بإسم خطوط الحمر …نعلن الولاء لملوك الطوائف (بقلم مغترب لبناني)

نحنا شعب مشحون بالطائفية دون استثناء و يمكن بمكان ما انا هيك مع إنّي خريج حزب علماني او علمي ثوري متل ما منقول ، شعب طائفي ب عمّاله ، ب صغار الكسبة و كبارهم ، ب مبدعيه ، ب حملة الاجازات فيه و ب مثقفيه .
و عسيرة مثقفيه شي مرة شفته مسلسل لبناني فيه اسم طوني أو علي أو محمد أو جورج إلا إذا كان المسلسل بيحكي عن الطائفيه !!؟؟ عطول في عنا شادي و فادي و توفيق و رامز و نبيل و اكرم و نعمان و … و … و ….
زياد ما غلط لمّا قالولوا كلنا اخوة ، قلهن ما زال كلكن اخوة ليه بتضلكن تقولوها يا اخوات ال……. !!
في حزب تذكّر يطالب بال ١١ مليار دولار المش معروف الله وين حاطتن و مأجور ع مطالبته حتى لو اجت مأخرة بس دغري فزّ الطرف المُتّهَم يقول هيدا هجوم عالطائفة !!! و بكرا اي ملف فساد جديد رح يقابل بهيك ردة فعل و تحاشيا” للخضّات الامنية و النزول للشارع رح تنطوى كل الملفات متل العادة و انشالله كون عم خبّص و ما يطلع الحق معي .
المشكلة فينا مش فيهن .. المشكلة فينا نحنا غنم الاحزاب و الطوائف… و بما انو المشكلة فينا يعني الحل من عنا .
عفكرة انا كنت بدي اكتب عن المسلسلات اللبنانية مش اكتر ، بس ما بعرف ليه وصلت لهون بالحكي !!؟؟
معقول عشان المتل بيقول :
المال بيجرّ المال و القمل بيجرّ السيبان !!!

اقرأ ايضا

كشيش : انا اعتبر نفسي انسان حابب يخدم كل اللبنانية في الغابون دون اي تفرقة بينهم

Ali Katour

سيدة لبنانية كانت السبب في كشف : اكثر من ٣٠ ضحية لعملية احتيال عنوانها AIRTEL MONEY

Ali Katour

انتهاء لغز توقيف الشاب اللبناني علي خليفة

Ali Katour

اترك تعليق

أربعة + ستة =