الجالية اونلاين
محليات

بدك تموت انت حر.. بس مش حر تكون السبب بموت غيرك

يسعد اوقاتكن..
كما هي العادة بمنبدا دايما بالمهم بلا كترة حكي..
بالفترة السابقة ل فيروس كورونا كان في مجموعه اشخاص ما بامنوا بهالفيروس و كانوا كل ما كتبنا شي يطلعوا و يعترضوا.. رغم انو في منهم نصابوا بكورونا  و كانو السبب باصابه غيرهن (لانهم ناس مهملين) و مع هيك اليوم و مع البداية السيئة للفيروس ووارتفاعرعدد الحالات بين المواطنين و بين صفوف ابناء الوجود اللبناني نحنا واجبنا نحذر و نقول انتبهوا و لكل انسان مستلشئ و عايييييش منقوله عيشها ع حالك و لما بدك تموت كمان موت لحالك.. و ما تكون سبب بموت غيرك..

و بالنسبه للناس لي عندها ولاد و مع هيك ما فارقه معها…
*** معليش و لو قاسي المشهد بس للضرورة احكام **
“ولادكم عرضه لهيدا الفيروس احموهن اذا مش عشانكم عشانهم…
بتتذكروا الطفل لي كنتو توعوا لتشوفوا اذا مكشف و خايفين عليه من البرد..
ممكن تكونو السبب يصير تحت التراب و جسمه يبرد و ما يدفا..
بسبب اهمالكن ممكن البيت ينقص فرد من افراده..
بسبب اهمالكن نفس الكاميرا لي كانت تصور افراحكن ح تصوركن بالاسود
بسبب اهمالكن مبارح كنت تنادو باسمه اليوم صرتوا تنادوه بالله يرحمه (ملاك بالجنه) هيدا لي بدكن اياه ؟؟
بدكن بسبب اهمالكن تعيدوا التجربة اللبنانيه؟؟
بعد ناقصنا بالبلد مصايب اكتر من لي مرت، بعد بدكن ينقال اننا السبب بمشكله صحية كبيرة؟؟

ارحموا حالكن  و بلا قلة وعي….

برحع بقولها

لي حابب يموت هو حر…بس مش حر يكون السبب بموت حدا تاني..

و خلصنا

اقرأ ايضا

دورات تدريب لدى شركة لبنانية فرنسية متخصصة في الاستشارات بمجال السياحة.. التفاصيل 🇬🇦🇱🇧

Ali Katour

موقع الجالية اونلاين…اهم النقاط التي تم طرحها في افطار اللجنة الاعلامية الاجتماعية امس

Ali Katour

السيد عماد نصار : تم تامين نقل المواطن اللبناني عصمت دمشقية الى لبنان عبر الطائرة الاثيوبية للعلاج

Ali Katour

اترك تعليق