-ناس عم تمضي عريضة انو تجي فرنسا تحتلنا بالعشر سنين الجايين.
-ناس عم تعمل شير لصورة علم لبنان ع مبنى البلدية بفلسطين المحتلة و عم يحكو عن الانسانية و نسيو مجزرة قانا.
-ناس عم تقلك الحق عالحزب و ع سلاح الحزب.
ناس بتقلك اذ الحزب السبب ف بيروت احلى هي و مدمرة.
-و ناس بتقلك الحق ع فلان و فلان ما خصو حسب توجهاتو.
-الهوا مفتوح للمسؤولين و السياسيين و كل واحد بركب قصة حسب توجهاتو.
-لما اغتالوا الحريري بالـ٢٠٠٥ كان الانفجار اصغر من هيك، و عدد الضحاية اقل، وقفتو اهم ٤ ضباط بالبلد و حبستوهن ٤ سنين و دفنتوه بنص بيروت ع اساس بيروت بإسم اللي خلّفو.
-اليوم عنا ١٣٥ شهيد و اكتر من ٥٠٠٠ جريح و خسارة بأكتر من ٦ مليار دولار و بعدو لهلق ما حدا توقف او تحمل المسؤولية المباشرة، لا و حطيتوهن بلجنة التحقيق!!!
-تمساح الجمهورية نازل يتفقد موقع الانفجار و حاطت ايديه بجيابو!! ع اساس نازل يطل ع ورشة!!
-اللي عم يكنّس و ينضف و يرمم و يأوي العائلات هني الشعب الشباب و الصبايا و بمبادرات فردية وأكلو قتلة من كلاب الحريري بنص بيروت.
- عم تقولو انو ما احلانا و كلنا ايد وحدة، جيبو سيرة حدا من زعما الطوايف و شوفو كيف نص الشعب ح يكشّر عن نيابو.
-انا صراحة مش لاقي حكي يوصف هالحالة، مش ناطر لا تحقيق ولا غيره ، و معاش عندي امل بشي و بدي قص ايدي اذا المسؤول المباشر بالمرفأ رح يتحاسب، و اذا كانت اسرائيل او اميركا الهن ايد بالموضوع و ما صار حرب يا نحن يا هني بدي خزّق بسبوري و تنعاد عليكم و toz عالـ١٠٤٥٢
