اصدقائي الكرام عم يجيني كتير عالمسنجر أسئلة من الشباب الّي عم يفكروا يهاجروا من لبنان الى ابيدجان لهدف العمل والعيش الكريم، هنا اوّد ان اوضح مسألة دقيقة لهؤلاء الشباب تتعلق بطبيعة الحياة هنا :
أولاً لا انصح أحد من هؤلاء الشباب السفر الى ابيدجان من دون دعوة حقيقية من رجل اعمال او صاحب مصلحة قادر على توفير العمل له فور قدومه ( لأنو يا شباب اذا ما في ضمانة لهالموضوع ما تخاطروا قبل ما تضمنوا العمل لأنو هون اذا ما حدا دعاكم لعمل جاهز ومكان يأويكم سوف تتعرضون للذل والبهدلة لا سمح الله تأكدوا من الشخص الي باعت وراكم انه سيكون لديكم عمل فور وصولكم.
ثانياً الراتب الشهري للمبتدء لا يتخطى الألف دولار الا اذا كان هناك استثناءات والحياة هون كتير غالية أقل أجار بيت ( استيديو ) تقريباً في منطقة شعبية ٥٠٠ دولار وبدك تفرشو وفي زيادة كهربا وماي واكل اذاً عليكم ان تدرسوا الوضع جيداً واضمنوا العمل قبل المجيء لأنو ما في حدا لحدا ما تتأملوا لا السفارة ولا الجالية ان تساعدكم بشيء ، مش يعني عم قلل من عزيمتكم بالعكس هالبلد فيه شغل بس ما بنصح حدا يقطع تكت ويجي عالعميانة هنا تكمن المشكلة .!
نصيحة صادقة من القلب للأشخاص الي ما عندن حدا هون يساعدٌن ..!
بقلم الزميل عصام ابو يحيى #الجاليةاونلاين #الوجوداللبناني
