الجالية اونلاين
الوطن

النائب “علي خريس” الجنوب لديه حمضيات و المغترب 🙄😁

ما بحلها الا رجالها.. اخيرا جاء الحل على لسان احد نواب الامة.. نعم و الف نعم
مهندس الحلول و الامر بامر الله، يعرب عن قلقه..

و يطرح حلول سريعة لازمة لبنان و لكن بصراحة بعد التصريح الخطير للنائب علي خريس .. صار بدها… صار الوقت

لان معه حق عنا بالجنوب حمضيات للعصر ، بالنسبه للاطفال اذا جاعو عصرولهن حامض .. او شربوهن ليموناضة ..

كما يمكنكم استخدم قشور البرتقال و عصير الحامض ك بديل عن البنزين و المازوت…
بس انتو شعب ما بيعرف قيمة النعمة 🤣
يحرق ديبكن شو شعب متطلب …

و ما نسي سعادته ذكرنا بنقطه مهمه ….

المغترب …..المغترب
نعم جنوب لبنان يملك ورقة رابحة بقرة حلوب تدر على زعما الصرامي ذهبا ..
احسنتم المغترب ملك خاص بالجنوب و عليه مسؤوليات نعمممم ، عليه ادخال العمله الصعبة بالظررف الصعبة

احسنت فخامتك كلامك ذهب … ذهب و لم يعد ..

المعترب لي سرقتوا مصرياته و شقا عمرو.. ايه طبعا هو احد مفاتيح الحل…
بس بتعرف!!! ؟!

شكرا سعادة النائب السابق / الحالي/ اللاحق/ الباقي/ العالي/ الراقي/ الشافي/ المعافي/ الدافي/ الصافي/ علي خريس المحترم.
يعني معك حق و عنجد تخيل انو الشعب مفكر انو انتو (ما معكن) خبر في ازمه و كان هملان هم اديش ح تزعلوا لما تعرفوا بالازمة …
مع انو في قسم من الشعب لليوم فعلا ما عارف في ازمه لو ما فخامتك تخبروا …
و تخايل انو البعض من هالشعب كان معتقد انو انتم في السلطه و شركاء فيها (السلطة لي سرقت و نصبت و نهبت) تصور اديش ظالم هالشعب… بس انتو قلبكن كبير
و عفكرة منيح ركزت ع الحمضيات و نسيت الموز

يعطيك العافية عذبناك معنا .. ماجور …

اما انتو يا شعبنا الغالي فتخبزوا بالافراح …

صدق لي قال بلبنان ما عاد في مدعوم، الا الزعران

اقرأ ايضا

موقع الجالية اونلاين يهنئ اللبنانيين بعيد المقاومة و التحرير

Firas Suleiman

مضمون تحذيرات وزارتي الداخلية والصحة اللبنانية

Firas Suleiman

اختطاف المغترب اللبناني سليم الغصيني في نيجيريا 🇳🇬🇱🇧

Firas Suleiman

اترك تعليق

4 + ثلاثة =