الجالية اونلاين
باقلامكم منوعات

المغترب بين الراحة و الدراما ؟؟؟!!!!

من ساعه ما نخلق ونحن بدنا نسافر ونتغرب ونحلم بالساعه الي نسافر فيها ….
نسيتو منكون ناطرين مناطره المغترب ليجي لنوصيه عدخان
ولا ايام التلفونات النوكيا ع اساس اصلي اكتر من هون هههههههه….
كل حدا بيقول اشتاق للبنان هو هو نفسه وسبحان الله من ساعه ما ينزل من الطياره لحد السفر، بيرجع يتقمص شخصيه اللبناني التقليدي الي ما بيغرف الا قانون الغابه مع انه بيكون جاي من البلد الي عايش فيها على خط المشاه ما بيسترجي يدعس بدولاب سيارته …. هون ما بيلف الدوار الا بالعكس …
عزيزي المغترب … عندك في كهربا وفي امن وفي معاش بتقبضوا اخر الشهر ….
مشتاق لاهلك؟!! …
زمااان كنا لنعرف خبار حدا نبعت بالسنه رساله او نسجل شريط كاسيت و نقعد نحكي ونحكي ولما يوصلنا شريط من لبنان ..
يا سلااااام وكلن يقولوا نيالكن برا لبنان 🤔🤔🤔🤔

🟢 منروح عتركيا يومين بنصير نقول يوك واغلووو

🟢 منروح عدبي اسبوع بنصير نقول ماي دبي هههههههه …
🔴 اليوم صار اتصالات فيديو و المكالمات ببلاش ….

اي نعم المغترب عايش احسن من العيشه بلبنان والا ما كان سافر ….
اي ممكن يشتاق لحدا بس ما حدا بموت ميه موته….
من ايام الفينيقيه ونحن بنهاجر ….

انا مغترب وبرجع علبنان وبقعد فترات وبرجع بسافر ولا عموت ميه موته ولا شي
بالعكس وعفكرا لني مليونير ولا بطيخ عمدفش متلي متل هالعالم بس متصالح مع حالي والحقيقه لبنان حلو، بس عادي انه اذا بدي روح سياحه ع بلد اكتر من شهر، اكيد رح ازهق

و اي مغترب رح يجي علبنان مع انه بلده يقعد شهر بالسنه ليجن ويخوت ….

🟣 الخلاصه بلاها دراما ببوس ايدكم وما حدا رح يشلحنا دولار اذا شكينا او ما شكينا …


#الجالية_اونلاين #الوجود_اللبناني #بريد_متابع

اقرأ ايضا

السيد عبدالحسين شرف الدين ، اول من أطلق عمل المقاومة ✍️🇱🇧

Ali Katour

📸 دقيقة صمت على ارواح ضحايا انفجار لبنان في مباراة السلط والرمثا بـ ‎الدوري الأردني للمحترفين 🇯🇴🇱🇧

Ali Katour

السعودية سعاد الشمري تنشر فيديو معايدة للمتحدث باسم الجيش الإسرائيلي والأخير يرد.. 🇸🇦🤔

Ali Katour

اترك تعليق

19 − 6 =