الجالية اونلاين
باقلامكم

اللبناني مش مشروع مليونير بافريقيا

كتير ناس منسمعها عم تحكي عن المغتربين و عن البحبوحه لي عايشين فيها بس حبينا نقول انو مش كل لبناني بافريقيا غني و لا كل الي سافروا رجعوا مليارديريه.. في كتار رجعوا بتوابيت..
بافريقيا في لبنانية فقرا و في ناس اليوم بتنام بسيارات و بالشارع ايه بالشارع.. و هيك اخبار ما بتوصلكن بتعرفوا ليه؟؟
لان هيك اخبار مردودها سلبي ع اصحاب المال و الجاه و طبعا اغلب لي بافريقيا موظفين و اغلبهن بخافوا ع وظيفتهن لهيك ما بيكتبوا..

برجع باكد في كتير حالات تم معالجتها كانت هيك و اصعب..
من الشارع للشط لكيلة الجرافة لبعدين نحطت ببيوت بس كلو ع السكييت..

معليش بس حبينا لي مش فاهم يفهم احسن ما يكون حدا مفكر انو بافريقيا في شجر مصاري و هيك ، و انو لي عم بموتوا من شبابنا بافريقيا… عم بموتوا من الزهق..

في كتار عم بموتوا كن القهر من البعد من المسؤوليه الزايدة.. في كتار عم بموتوا من التفكير بمستقبل ما قادرين يحطولوا حجر اساس..
عم بموتوا من التفكير باهليهن و اصحابهن لي كل شوي بيبعتولهن ساعدونا بس طلعونا نشتغل.. ما بدنا نضل قاعدين بالبيوت بلبنان..

اللبناني بافريقيا شايل همه و هم عيلته و هم اصحابه و وطنه و مبارح و اليوم و بكرا…

اقرأ ايضا

السكوت مش حل.. كل يوم عم ندفن شهيد بالاغتراب.. لايمتى..

Firas Suleiman

بدأ عودة المغتربين الى افريقيا

Firas Suleiman

حضرة اللواء عباس ابراهيم المحترم.. بالنسبة ل جورج عبدالله شو؟؟ 🇱🇧🇬🇦

Firas Suleiman

اترك تعليق

2 × 5 =