بلبنان كل شي غير.. الحياة الرواق و القانون حدث فلا حرج.. (هيك صار معي) و ما في شي من وحي الخيال…
يعني مثلا قانون السير بلبنان بيجي ع قياس كل حدا و بطريقته الخاصة..
موضوع انو مثلا دوار و ما دوار انسى..
بلبنان و بالاخص بالسواقة لي سبق شم الحبق..
هلاء انو يجرح السيارة بغمق ٢ سم و نص ما مشكل ، لان اذا حكيتو بصير مشكل.. 🏍️🛵🏍️🛵🛴
هو حر و بالاخص انو الموتوسيكل تاعو ماركة فيراري معمول خصوصي للبنان..
يعني بدك تبقى محكوم لذوقه و ع ذوقه و خود اذا ما كان معه ضو.. (بيمشي ع ضو سيارتك) بس انت ممنوع تفرق شمال او يمين…
بيفئعك صوت 3D (شو يا اووووو) ولووو خلي عندك ذوق، خلي عندك نظر، ما شايفني ماشي ع ضوك لوين رايح.
يعني ما في مجال لا شمال و لا يمين…
🚗🚘🚙
اما موضوع السيارات قصة تانية لان كمان السيارات بلبنان ما فيك تدوبل عنهن و بالاخص انو ٣ سيارات بمشوا السير ع ذوقهن.
الاول رجال مسن
التاني علقان مع مرته
التالت عم بحب و عشقان..
💥 الاول امرنا ل الله مع العلم ماشي بالنص بين الخط السريع و الخط لي اقل سرعه منو و اكيد اذا حكيتو بنرفز و يمكن يرفعلك (اشارة السلام) اكيد فهمناها
و اذا عصبت عليه فجاة بصيبوا فالج و بتبتلي فيه و بصير بدو مستشفى لتعن اخت المشوار…
💥 التاني هون المشكله لكبيرة…
مرته بالبيت و بدها تنكد ما عارفه كيف لانو بالسيارة و نازله فيه اسئلة (مين كيف ليش لوين و من وين) ووالمشكله اذا سكت لياخود نفس، بتسبقوا هي (شووووو كنك شفتلك شي وحدة)
هلاء نحنا لي وراه منكون سامعين المكالمه لان صوتها الناعم واصل للورايي برواق يعني قاطع ٤ سيارات..
و طبعا هو كونوا مالل و زهقان بهز براسو و تاكي ع دركسيون و ماشي بسرعة ١٢كلم بالساعه
بكون بس عبالك تقولوا يا ريس ٣٠ الف سيارة عم بسبو بالماما تاعتك ، تحرك
الثالث : العشقان لي بتلاقيه ماشي ع سرعه ٨ كلم و نازل تحت الدركسيون ما مبين من شعروا السبايكي غير بس خيالهن.. يا معلم يا استاذ يا قائد ما في حدا..
والمصيبة اذا كانت الفرفورة معه بالسيارة.. يا عين صبي دمع
يعني بتحس حالك عم تحضر فيلم رومانسي لشاب منسي..
و انت بكون بدك من الله توصل بس مضطر لان ماشي ع ذوقه.. و هو ساعه بدو يبوس ساعه بدو يرميها نظرات من تحت عوينات الرايبين التقليد بالسيارة الاجار…
و هي اساسا مش همها، لان رايحه ع مطعم و ح تاكل ع حسابه…
و الاصعب من هيدا لما تكون لي عم بتسوق مرا 😂😂
بتكون سايقة و هي عايشه حالة قرف و مربحة الكرة الأرضية جميلة انها عم بتسوق، و ما بتترك حدا يسلم من نطرة (الحول) لي عندها، منها بتكون عندهن هي خلقة و منهن مكتسبة بسبب البوتوكس و اخواتها… صايرين كراسي خدودها اضخم من كراسي مكتب لباترووون عايش بالغابون (منرجعلوا بعدين)
و اكيد بتضل تتطلع بالرايح و الجاي و منشيني ع شي فرفور يقولها شو هالحلا..
و بتنسى السير و بتنسى الاوتوستراد و منعيش ع احساسها المرهف ، هيدا غير اذا زمرتلها.. فجاة جعفر لي بداخلها بيظهر و بتقولك (لككككك شووو بعععك) 🙄🙄😂
طبعا هون بتقرا المعوذتين و بتكمل طريقك.
يعني دايما نحنا ورا مجرد جمهور، و ماشين ع ذوقهن.. لا فيك تزمر و لا فيك تقطع و بتوصل بعد ٧ ساعات ع بيروت بتكون عتمت بتغسل بتصلي و بتنام..
