من لمّا اخترعوا الخليوي ذاكرتي صارت ولا أضعف
و من لمّا اخترعوا هالإنجازات العظيمة فايسبوك و انستا و واتس و إيمو و حطو و شيلو تلوث تفكيري و تشوّش اكتر ما هوّي مشوّش
و الأهم من هيدا كلو إني إذا ما نزّلت كل يوم بوست او كل يومين بكون مش ناشط و وجودي و عدمه عالفايس واحد !!!؟؟
من ورا الفايس صرت حس انو كلنا منشبه بعض ( حلووووو ، جمالووووو ، اففففف ، راااااائع ، جمييييل ، سيد الكلمات ، امير المنابر ، راقية الحرف ، إبدااااااع ، و ليّكلي ل ليّكلك ، حتى ضحكتنا نفس الشي ، منمالق ، منكذّب ، منساير ، منتحالف مع ناس ما منعرفن الا من ورا هالشاشة و الابشع انو منركب مقلة ناس يمكن يكونوا انضف و انقى بكتييير مننا و من يلي منتحالف معن .
المهم بهيدا الفايس انو تعرفت ع قصايد كتير حلوة و تعلمت كتير من شعرا مهمّين (إلن عليي فضل كبير ) و من وراهن تحسّنت شوي بالكتابة و اضعف الإيمان عن ما كنت اكتب قبل و شفت نفاق ما الو افق ع قصايد ضيعان وقت القراءة فيها و مِرِقلي كم قصيدة الي هيك لا لون و لا طعمة .
بعرف خبّصت بالحكي و بعرف انو افكاري مش متماسكة بهالبوست و ما حدا يلومني او ينقّر عليي لاني ب اول هالجريدة قلت تفكيري صار مشوّش كتير و اكتر ما بتتصوروا .
#الفايس_لعنة و مش عارف اخلص منها .
احمد عامر .. مجتمع الكتروني و الكل بيشبه بعضو
