ابني تزوج و زوجته شو قالت!؟!

رح أعلّم أبني لمّا يتزوج إنه بيته وأولاده أهم مني، وبنت الناس الِي رح يتزوجها إلها حقوق وواجبات واحترام..

رح أعلّم أبني مايستحي وما يخاف يقول قدامي إنه طلّع مرتو وولاده مشوار ، بالنهاية بشر وهاي أبسط حقوقهم.. رح أعلمه مايخاف يحط إيده على مرته أو يغمرها أو يقلها كلمة حلوة قدامي..

رح أعلم ابني إنه مرته مش خدامة إلي ولو خدمتني فبكون من ذوقها وحسن تربيتها ومش مجبورة..!!

رح أعلمه ما يكذب على مرته كرمال يكون في بيناتهم احترام.. رح علمه إنه يلي ما بترضاه على إمك وأختك ما ترضاه على مرتك..

رح أعلّم ابني إنه ما يسمح لحدا يتدخل بيناتهم.. ويعرف يحل مشاكله بينه وبين مرته وبس..

رح أعلم ابني يحافظ على مرته على كرامتها من أي حدا حتى من نفسه وإنه يخاف الله فيها..

رح أعلّم ابني يعمل مصاري لنفسه ويستقل ماديًا وما يبقى تحت رحمة حدا مين ما يكون..
رح خلي مرته تدعيلي إني ربيته أحسن تربية ،💜👌👍